उत्तर

[mkapale]

उत्तर

आज पुन्हा ती मला म्हणाली देते उत्तर
थोडासा लागेल वेळ पण....देते उत्तर

उद्या बदलेल दिवस हा होईल सुंदर
आजचा काळोख जाऊदे..देते उत्तर

डोके वापरून पैसा येतो हेच ऐकले
हुशार दरिद्री कसा? कळलं कि देते उत्तर

नदीशेजारी घर टुमदार होते स्वप्नगत
गिळले का? नदीने सांगितले कि देते उत्तर

तू विचारतो आता आपले कसे होणार
मला सुटले कोडे हे कि देते उत्तर

रम्य वाहत्या पाण्याने नेले उखडून सारे
कसे वाहिले घर, लेकरा कसे देऊ उत्तर