भटक्या

[mkapale]

भटक्या

राहिलो अनेक जागी
पण कुठलाच राहिलो नाही
स्थाने अनेक फिरलो
पण स्थानिक राहिलो नाही

प्रवास गुंतागुंतीचा असे तो
परी गुंतून राहिलो नाही
किती त्या घरांत होतो
एकही घरकुल राहिले नाही

सगळ्या ऋतूत टिकलो
टिकून एकात राहिलो नाही
बिर्हाड होते पाठीवर
कधी त्यात राहिलो नाही

भटके आयुष्य जगलो
भटकलेला राहिलो नाही
बदलाव हेच जीवन माझे
कधी स्थायी राहिलो नाही

कित्येक पाहिली गावे
ग्रामीण राहिलो नाही
आव्हाने पेलली सारी
गाफील राहिलो नाही

जागतिक झालो इतका
पर्यटक राहिलो नाही
गोल ते विश्व अनुभवले
चौकटीत राहिलो नाही