गुलाब

[mkapale]

गुलाब

करावे कधी तिचे लाड शब्दातून
तिचा चेहेरा पाहावा चंद्राशी तोलून
हसतांना तिला म्हणावे पौर्णिमा पाहिली
वाटावे तिला आपण परी आहोत म्हणून

फुलागत नाजूक म्हटले तिला कि
तिनेही लाजाळूचे झाड व्हावे पटकन
तिची ती तिरकी नजर असते आपल्याकडे
आपणही मग एक डोळा मारावा झटकन

गोडवा नजरानजरेतून मधासारखा ओघळावा
कोणी दुसरे पाहते का तेही चाचपावे
न बोलता इशाऱ्याने गझल म्हणतांना तिच्यावर
तिने हलकेच ते गुलाबी ओठ चावावे

ती गुलाब अन मी छेडणारा द्वाड भुंगा
नजरेतून प्रेमाचा मधुरस पीत जावे
नजर टेकली तिच्यावर कि तिनेही पाहावे
असेच दुरून मोहाचे संकेत द्यावे घ्यावे