परी

[mkapale]

परी

मिळते का हो शोधून कुठे परी
तिला बनवायला राणी मी तयारआहे
जुळतात धागे जन्मताच दोघांचे म्हणे
कधीची मी तिची वाट पाहतो आहे

डोळ्यात माझ्या खंतेची झाक असली
प्रेमाचा झरा मात्र काठोकाठ भरून आहे
तिने यावे अन म्हणावे साथ देशील का
जोडीदार सावलीगत तिचा राहणार आहे

जगणे जे घडून गेले ते पुढे जगणे नको
रात्रीच्या पल्याड किरणांची अपेक्षा आहे
आहेस तू कुठे वाट पाहत थांबलेली
ये आता..दुनियेत आपुल्या पहाट आहे