कळलो नाही ............

[Ashok_rokade24]

वाट जरी होती अवघड ,
               तरी थकलो नाही,
मोडलो जरी होतो कैकदा ,
               परी झुकलो नाही ॥

कुरूप जखमांचे वाढले ,
                 सल अजूनी आहे ,
जखमा अश्या अनेक झाल्या ,
                   परी हरलो नाही ॥

नात्यातील बंध भावनांचे ,
                   असे तुटून गेले ,
एकलाच निश्चयी ऊभा मी ,
                    तरी ढळलो नाही ॥

कर्तव्य छप्पराचे घेतले ,
                    उन्हे अडविली मी ,
ढासळले खांब,भिंती जरी ,
                   झालो निराश नाही ॥

दृष्टि असून अंध राहीलो ,
                     विश्‍वास हरवला ,
काट्यांनी जरी पाय छेदले ,
                      वाट सोडली नाही ॥

आता हिशोबी जरी नसलो ,
                        तरीही चिंतित मी ,
प्रयास किती केले तरी मी ,
                        कुणा कळलो नाही ॥

अशोक मु.रोकडे .
मुंबई.