फुलपाखरू

[mkapale]

फुलपाखरू

कळीचे फुल होतांना पाहते आहे
तुला मोठी होतांना पाहते आहे

अजूनही पाय उड्या घेतात तुझे
ते थोडे खंबीर होतांना पाहते आहे

कुशीत तू येतेस झोपायला अजूनही
बिनधास्त एकटे झोपणेही वाढत आहे

तुला जपले रेशमी कोशात आजवर
फुलपाखरासारखे तुला पुढे उडायचे आहे

कारंज्याच्या तुषारागत विचार तुझे
जलधारेगत एका दिशेत आणायचे आहे

वाटाड्या आहेच तुझी जन्मभर मी
ओझे तुझे,  तुलाच उचलायचे आहे