अल्लड थेम्ब

[mkapale]

अल्लड थेम्ब

माथ्यावर अलगद तुझ्या
पडला थेम्ब पावसाचा
प्रवास तुझ्या कायेवर त्याचा
बनला विषय कवितेचा

माथा स्पर्शला त्याने
जसा आदर तुझा मजला
सरकताच तो गालावर
विचार खट्याळ मनी आला

अडकला खळीत क्षणभर
जीव अडकतो जसा माझा
वळला ओठांकडे तेव्हा
हेवा वाटला मज त्याचा

तुझ्या नाजूक चेहेर्याशी
केली त्याने जी बदमाशी
द्याया शिक्षा येऊ का जवळ
प्यावया त्यास तुज ओठांशी