गूढ

[mkapale]

गूढ

खोलात कुठे तरी दडून आहे
मी तुज्यात आहे तुज्यात आहे

रस्ते ओळखीचे मी भयाण करते
छोट्या पोकळीचे भुयार करते

वळून पाहता सावली ती दिसते
तिला मी गूढ, काळीशार बनवते

काळोखात भान तुझे वेधते
जे नसते तेही तुला दर्शविते

ठोके चुकवी जरी असे तो भास
सुचेना काही अन रोखलेला श्वास

अंतरंगात दाबून ठेवली कितीही
अवतरते नाजूक वेळी कधीही

येतेच माझी एकदा तरी प्रचिती
थरकाप सोडी ,नाव माझे भीती

अनादी अनंत मी एक शक्ती
करू नये माझी कोणीही भक्ती