काही पाने

[शिवाजी सांगळे]

काही पाने

मोह झाला मनाला डायरी दिसल्यावर
आक्रोश तीनेही केला स्पर्श झाल्यावर

कोरीच राहिली आयुष्याची काही पाने
कळले पुन्हा एकदा त्यांना चाळल्यावर

वाटले होते होईल सुरळीत सारे काही
विचार फिरले आमिष नवे पाहिल्यावर

भिस्त ठेवली कित्येकांवर कधी काळी
सत्य त्यांचे,समजले गरज कळल्यावर

व्हायचे ते होऊन जाते, कळते रे मला
दु:ख होते मुद्दाम तु पक्षपात केल्यावर

खैर, खंत नाही आयुष्या तुझ्या बद्दल
वागू नको असा नवा कोणी आल्यावर

©शिवाजी सांगळे 🦋papillon
 संपर्क: +९१ ९५४५९७६५८९