भारताचा स्वातंत्र्य दिवस-कविता-11

[Atul Kaviraje]

                                "भारताचा स्वातंत्र्य दिवस"
                               -----------------------

मित्र/मैत्रिणींनो,

     आज दिनांक-१५.०८.२०२३ आहे. आज "भारताचा स्वातंत्र्य दिवस" आहे. पंडित जवाहरलाल नेहरू यांनी दिल्लीतल्या लाल किल्ल्यावरून १५ ऑगस्ट १९४७ ला तिरंगा ध्वज फडकवला. त्यानंतर १५ ऑगस्ट १९४७ या दिवशी भारताचा स्वातंत्र्य दिन साजरा करण्याची प्रथा सुरू झाली. आपल्या देशाला स्वातंत्र्य मिळून आता ७५ वर्षे पूर्ण झाली आहेत. १५ ऑगस्ट १९४७ रोजी भारताला स्वतंत्र राष्ट्र म्हणून मान्यता मिळाली. या मान्यतेसाठी देशाच्या सेनानींनी सर्वस्वाचा त्याग केला आहे. स्वातंत्र्याचा हा उत्सव प्रत्येक घरात आणि प्रत्येक संस्थेत दिसत असला, तरी राष्ट्रीय स्तरावर हा कार्यक्रम दिल्लीच्या लाल किल्ल्यावर आयोजित केला जातो. मराठी कवितेच्या माझ्या सर्व बंधू-भगिनी कवी-कवयित्रींना १५ ऑगस्टच्या अनेक हार्दिक शुभेच्छा. वाचूया काही कविता.

                           "भारत - एक महाशक्तीशाली राष्ट्र"
                          -------------------------------

नटला देश आपुला विविधतेने

अभिमान वाटतो प्रत्येकाला आपल्या संस्कृतीचा

अधिकार समतेचे दिले राज्यघटनेने

आपणच चालवू वारसा पुढे परंपरेचा


तिरंगा ही आपुली शान

आपला झेंडा फडकतो संपूर्ण विश्वामध्ये

राष्ट्रगीत गाताच उंचावते मान अभिमानाने

असून विविधता जाती-धर्मांमध्ये एकता आहे सर्वांमध्ये


अनोखी आपली क्रांती

झाले कित्येक शहीद आपल्या मातीसाठी

विविधता असूनही आपल्यात नांदते शांती

अभिमानाने वाटते प्रत्येकाला करावे काहीतरी आपल्या देशासाठी


जेव्हा पाहतो जवानाला, छाती फुगून येते

इथल्या किसानालाही वाटतो स्वाभिमान

इथे प्रत्येकाला प्रत्येकाचे स्वातंत्र्य मिळते

अतूट बंधनांमुळे वृद्धांनाही वाटतो सन्मान


हिरवीगार आपली निसर्गसृष्टी

आपली मायभूमीच आहे रममाण

जेव्हा पाहतो कोणी नाहून निघती दृष्टी

निसर्गाप्रती प्रत्येक भारतीयाला आहे कर्तव्याची जाण


जगभर शिकवल्या जातात आपल्या पराक्रमाच्या गाथा

खरंच आपल्या देशाची किमया जगात नावारूपाला आली

परकीय लोकांनाही वाटते टेकवावा आपल्या संस्कृतीपुढे माथा

खरोखरच जगात नावारूपाला आहे आपला भारत एक राष्ट्र महाशक्तिशाली

--संग्राम सलगर
--------------

                         (साभार आणि सौजन्य-संदर्भ-स्टोरीमिरर.कॉम)
                        ----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-15.08.2023-मंगळवार.
=========================================