मी आणि माझा देश

[शिवाजी सांगळे]

मी आणि माझा देश

कधीकधी एक असतो मी आणि माझा देश
एरव्ही असतो प्रत्येकाचा वेगळावेगळा वेश

हेतुपुरस्सर वाटून दिले कधीकाळी आम्हास
न् आम्हीही कवटाळून बसलो तोच परिवेश

वाटते व्हावा बदल काहीसा आता तरी येथे
विसरून ते विविध रंग रंगावा तिरंग्यात देश

सुजलाम सुफलाम, सारे घडावे मनाजोगते
अन् म्हणू सगळे गर्वाने, महान आमचा देश

येवोच न मनात फिरून विचार अभद्र असा
कधीकधी एक असतो मी आणि माझा देश

©शिवाजी सांगळे 🦋papillon
 संपर्क: +९१ ९५४५९७६५८९