श्रावण

[mkapale]

श्रावण

एक एक कण मातीचा
हिरव्या रंगाने नटलेला
थेंबांचे मोती लेऊन जणू
निसर्ग शृंगारानी सजलेला

झरे वाहती , तुषार नाचती
चहूकडे उल्हास दरवळला
अनेक छटा रंगांच्या उधळत
हर्ष पिसारा ऋतूने फुलवला

नव्या पालव्या, पक्षी गाती
घरटयांतूनि सौंसार थाटती
शिवार भरले,  तरुण झाले
बळीराजाची पाठ थोपती

दुथडी वाहत नद्या म्हणती
ओसंडून तो आनंद वाहूदे
वाजवी श्रावण बिगुल सणांचे
उत्साहात सारे साजरे होउदे