नारळी पौर्णिमा-कविता-3-नारळी पौर्णिमा

[Atul Kaviraje]

                                     "नारळी पौर्णिमा"
                                    ----------------

मित्र/मैत्रिणींनो,

     आज दिनांक-३०.०८.२०२३-बुधवार आहे. आज "नारळी पौर्णिमा" आहे. नारळी पौर्णिमा हा हिंदू सण भारताच्या पश्चिम किनारपट्टीवरील कोळी समुदायाद्वारे मोठ्या उत्साहाने आणि आनंदाने साजरा केला जातो. हिंदू कॅलेंडरमधील श्रावण महिन्यातील पौर्णिमेला हा सण साजरा केला जातो आणि म्हणूनच याला श्रावण पौर्णिमा देखील म्हणतात. यावर्षी नारळी पौर्णिमा 30 ऑगस्ट 2023 रोजी येत आहे. मराठी कवितेच्या माझ्या सर्व बंधू-भगिनी, कवी-कवियत्रींना नारळी पौर्णिमा सणाच्या अनेक हार्दिक शुभेच्छा. वाचूया, नारळी पौर्णिमेवर एक कविता.

                                    "नारळी पौर्णिमा"
                                   ----------------

नारळी पौर्णिमेच्या सणाला

बंधु सखा गं येईल

दिस उजडल्यापासून बाई मी

वाट दारात पाहिल.....!!


बंधुराया माझा येईल

डोये भरून पाहिल

माहेरची आठवण सये

काळीज भरून येईल....!!


राखी लाख मोलाची

हातावरी गं बांधीन

पाहून बंधुरायास

मनी हरखीन......!!


नको ओवाळणी काही

ये रक्षणाला धावून

भरल्या ताटाने औक्षिन

मन गायी आनंदून......!!


ठेव मायेचा ओलावा

थोडी काळजात जागा

लहान धाकटी मी परी

नको करू वयनी तू त्रागा.....!!


सण भाग्याचा मोठा

मिळो भावाला सारे सुख

हात जोडून प्रार्थना

दूर जाऊ दे सारं दुःख....!!


भाऊ माझा पाठीराखा

ठेव ध्यानात सदा

नको आंतर देवू कधी

ना ओलावतील कडा....!!

--मीनाक्षी पी. नगराळे
-------------------

                          (साभार आणि सौजन्य-संदर्भ-स्टोरी मिरर.कॉम)
                         -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-30.08.2023-बुधवार.
=========================================