नारळी पौर्णिमा-कविता-4-सण नारळी पौर्णिमेचा

[Atul Kaviraje]

                                     "नारळी पौर्णिमा"
                                    ----------------

मित्र/मैत्रिणींनो,

     आज दिनांक-३०.०८.२०२३-बुधवार आहे. आज "नारळी पौर्णिमा" आहे. नारळी पौर्णिमा हा हिंदू सण भारताच्या पश्चिम किनारपट्टीवरील कोळी समुदायाद्वारे मोठ्या उत्साहाने आणि आनंदाने साजरा केला जातो. हिंदू कॅलेंडरमधील श्रावण महिन्यातील पौर्णिमेला हा सण साजरा केला जातो आणि म्हणूनच याला श्रावण पौर्णिमा देखील म्हणतात. यावर्षी नारळी पौर्णिमा 30 ऑगस्ट 2023 रोजी येत आहे. मराठी कवितेच्या माझ्या सर्व बंधू-भगिनी, कवी-कवियत्रींना नारळी पौर्णिमा सणाच्या अनेक हार्दिक शुभेच्छा. वाचूया, नारळी पौर्णिमेवर एक कविता.

                                "सण नारळी पौर्णिमेचा"
                               ---------------------

सण नारळी पौर्णिमेचा 

उधाणलेल्या दर्याराजाला

प्रार्थना करून कार्यारंभ करण्यापुर्वी

नारळ अर्पण करण्याचा


सण हा कृतज्ञतेचा 

कोळी बांधवाच्या आनंदाचा,सौख्याचा


रंगरंगोटी करून

बोटीची पूजा करत

एकविरा आईच्या आशीर्वादाने

होडी दर्यामध्ये उतरवण्याचा 


दर्या राजा असे देव त्यांचा

रक्षण करता तो सकलांचा 


सण नारळी पौर्णिमेचा

कोळी समाजाच्या नवचैतन्याचा

सुखाचा, समृद्धीचा आणि भरभराटीचा 


परंपरागत रम्यतेचा अन्

संकटाला हद्दपार करून

नवीन आव्हाने पेलून

यश मिळेल या प्रतिक्षेचा

असे मंगल दिन हा

नारळी पौर्णिमेचा...

--सारिका जिंतूरकर
-----------------

                         (साभार आणि सौजन्य-संदर्भ-स्टोरी मिरर.कॉम)
                        -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-30.08.2023-बुधवार.
=========================================