रक्षाबंधन-कविता-1-रक्षाबंधन...!!!

[Atul Kaviraje]

                                       "रक्षाबंधन"
                                      -----------

मित्र/मैत्रिणींनो,

     आज दिनांक-३०.०८.२०२३-बुधवार आहे. आज "रक्षाबंधन" आहे. रक्षाबंधन हा सण श्रावण महिन्याच्या शुक्ल पक्षाच्या पौर्णिमेला साजरा केला जातो. बहीण-भावाच्या नात्यातील पावित्र्य जपणाऱ्या या सणाला हिंदू धर्मात विशेष महत्व आहे. यंदा ३० ऑगस्ट रोजी हा सण साजरा केला जाणार आहे. या दिवशी बहिणी आपल्या भावाच्या हातावर राखी बांधून त्याच्या सुरक्षिततेसाठी आणि दीर्घायुष्यासाठी प्रार्थना करते. मराठी कवितेच्या माझ्या सर्व भाऊ-बहीण, कवी-कवियित्रीना रक्षाबंधन सणाच्या अनेक हार्दिक शुभेच्छा. वाचूया, रक्षाबंधन वर कविता.   

                                   "रक्षाबंधन...!!!"
                                  ----------------

ताई आहे तुझी

बस मुकाट्यानं

आज रक्षाबंधन

राखी बांधणार आहे..!


सांग आधी मला

काय ओवाळणी देणार.?

काय काय माझ्या साठी

तू करणार...?


काय तुझा अवतार

घाबरलो बायी

म्हणू कसा मी तुला

आता ताई...!


माझ्या कडे बायी

काही द्यायला नाही

मित्र वाट बघतात

राखी बांध एकदा बायी...!


तुझं दादा हे

नेहमीचंच असतं

मला तुझं नाटक

चांगलंच कळतं...


बैस आता नीट

हात कर पुढे

ओवाळणी राहु देत बाबा

आ कर खा थोडे पेढे


दादा झाला खुश

तायडीचे पेढे खाऊन

ताई झाली खुश

गोड पापा देऊन....!

--प्रशांत शिंदे
------------

                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-30.08.2023-बुधवार.
=========================================