रक्षाबंधन-कविता-2-रक्षाबंधन (दशाक्षरी)

[Atul Kaviraje]

                                       "रक्षाबंधन"
                                      -----------

मित्र/मैत्रिणींनो,

     आज दिनांक-३०.०८.२०२३-बुधवार आहे. आज "रक्षाबंधन" आहे. रक्षाबंधन हा सण श्रावण महिन्याच्या शुक्ल पक्षाच्या पौर्णिमेला साजरा केला जातो. बहीण-भावाच्या नात्यातील पावित्र्य जपणाऱ्या या सणाला हिंदू धर्मात विशेष महत्व आहे. यंदा ३० ऑगस्ट रोजी हा सण साजरा केला जाणार आहे. या दिवशी बहिणी आपल्या भावाच्या हातावर राखी बांधून त्याच्या सुरक्षिततेसाठी आणि दीर्घायुष्यासाठी प्रार्थना करते. मराठी कवितेच्या माझ्या सर्व भाऊ-बहीण, कवी-कवियित्रीना रक्षाबंधन सणाच्या अनेक हार्दिक शुभेच्छा. वाचूया, रक्षाबंधन वर कविता.   

                                "रक्षाबंधन (दशाक्षरी)"
                               --------------------

भाऊ बहिणीचा आनंदाचा

रक्षाबंधनाचा सण आला

नाही आनंदाला पारावार

राखीचा प्रेम धागा बांधते

बहीण भावाच्या हातावर


धागा पवित्र हा रेशमाचा

गुंफतो नाते पवित्रतेचे

बहीण ओवाळते भावाला

त्याच्या वृत्ती, दृष्टीचे रक्षण

सुख शांती मागते देवाला


महिला भोगदासी नसावी

नेहमी पुजनीय मानावी

संदेश हाच रक्षाबंधनाचा

पवित्रता जपाया मन्त्र हा

मानवतेच्याच कल्याणाचा

--पंडित वराडे
-------------

                         (साभार आणि सौजन्य-संदर्भ-स्टोरी मिरर.कॉम)
                        -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-30.08.2023-बुधवार.
=========================================