रक्षाबंधन-कविता-3-रक्षा बंधन...!!

[Atul Kaviraje]

                                     "रक्षाबंधन"
                                    -----------

मित्र/मैत्रिणींनो,

     आज दिनांक-३०.०८.२०२३-बुधवार आहे. आज "रक्षाबंधन" आहे. रक्षाबंधन हा सण श्रावण महिन्याच्या शुक्ल पक्षाच्या पौर्णिमेला साजरा केला जातो. बहीण-भावाच्या नात्यातील पावित्र्य जपणाऱ्या या सणाला हिंदू धर्मात विशेष महत्व आहे. यंदा ३० ऑगस्ट रोजी हा सण साजरा केला जाणार आहे. या दिवशी बहिणी आपल्या भावाच्या हातावर राखी बांधून त्याच्या सुरक्षिततेसाठी आणि दीर्घायुष्यासाठी प्रार्थना करते. मराठी कवितेच्या माझ्या सर्व भाऊ-बहीण, कवी-कवियित्रीना रक्षाबंधन सणाच्या अनेक हार्दिक शुभेच्छा. वाचूया, रक्षाबंधन वर कविता.   

                                   "रक्षा बंधन...!!"
                                  ----------------

रक्षा बंधन...!!


अरे रे आज रविवार

रक्षाबंधन आणि आज सुट्टी

आता आठवतो मला तो

रक्षा बंधनाचा सण

शाळेत असताना


सण वार,जयंत्या पुण्यतिथ्या

वगैरे रविवारी आल्या की

अगदी दुदैव वाटायचं

कोणीतरी पेन्सिल काढून

घेतल्याचं दुःख व्हायचं

तसच आज काहीतरी झालं

पण काय आता सुट्टीच सुट्टी

ती ही नकोशी वाटणारी


मला आठवत

शाळेतलं रक्षाबंधन पार पडलं

आणि मी घरी आलो

दोन्ही हात राख्यांनी पूर्ण भरलेले

घरी बाबा सोफ्यातच बसलेले

त्यांनी पाहिलं आणि


आईला एका दमात हाक मारली

कुसुम कुसुम हे बघ

कार्ट कसं हात सजवून आलंय

तेंव्हा मला काही कळाल नाही

पण रक्षाबंधनाला


मात्र दांडी सुरू झाली

परंतु दैव कसे असते ते मला

कालांतराने कळाले

जेंव्हा त्यागाने मनात हळू हळू घर केले

सगळ्यांचाच मामा बनत गेलो


आणि शेवटी मामा म्हणजे काय

याचीही अनुभूती आली

आता प्रश्न असा पडतो

माझ्या बहिणी इतक्या कमजोर आहेत का?

नाही ,खरच त्या कमजोर नाहीत

त्या कोणालाही सहज मामा करू शकतात


पण बंधन खूप मोलाचं

ते मग कोणतंही असो

त्यात एक प्रेमाचा गोडवा आहे

आपुलकी आहे,भावना आहे

समर्पण आहे,त्याग आहे


एकमेकाच्या संरक्षणाची हमी आहे

आधार आहे ,समाधान आहे

सौख्य आहे, शांती आहे

किंबहुना सर्व काही आहे


म्हणून रक्षाबंधनाचा सण

खूप आता मला आवडतो

जो प्रत्येक वर्षी प्रत्येक वेळी

एक नवी घट्ट स्नेहाची मायेची

रेशीम गाठ घट्ट बांधतो आणि


एक अतूट नातं कायमच जोडतो

जे आजन्म आधारामय होऊन

सदैव चिरंतन चीरंजीव अमर राहतं..

खूप खूप छान वाटतं....!


सर्वांना रक्षाबंधन सणाच्या हार्दिक शुभेच्छा...!!

--प्रशांत शिंदे
------------

                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-30.08.2023-बुधवार.
=========================================