रक्षाबंधन-कविता-5-भाऊराया..!

[Atul Kaviraje]

                                        "रक्षाबंधन"
                                       -----------

मित्र/मैत्रिणींनो,

     आज दिनांक-३०.०८.२०२३-बुधवार आहे. आज "रक्षाबंधन" आहे. रक्षाबंधन हा सण श्रावण महिन्याच्या शुक्ल पक्षाच्या पौर्णिमेला साजरा केला जातो. बहीण-भावाच्या नात्यातील पावित्र्य जपणाऱ्या या सणाला हिंदू धर्मात विशेष महत्व आहे. यंदा ३० ऑगस्ट रोजी हा सण साजरा केला जाणार आहे. या दिवशी बहिणी आपल्या भावाच्या हातावर राखी बांधून त्याच्या सुरक्षिततेसाठी आणि दीर्घायुष्यासाठी प्रार्थना करते. मराठी कवितेच्या माझ्या सर्व भाऊ-बहीण, कवी-कवियित्रीना रक्षाबंधन सणाच्या अनेक हार्दिक शुभेच्छा. वाचूया, रक्षाबंधन वर कविता.   

                                         "भाऊराया..!"
                                        --------------                                                                                                                                                                                             

अरे दूर देशी तू

मी पराधीन

अंतर पडले खूप

आठवले लावता धूप


मनात तुला ओवाळले

राखी ही बांधली

अंतराची दुरी

अंतरातच सांधली


सुखी समाधानी रहा

आशीर्वाद देते तुला

सांभाळ परिवाराला

प्रेमांनी कुशीत घेऊन मुला


आठवण तुलाही झाली

डावा डोळा फडफडता मी जाणले

उचकी ठसका लागता

पाण्याचे आत्ताच दोन घोट घेतले


भाऊराया विसरले नाही मी काही

तू ही विसरू नको काही

असले जरी दूर मी अन् दूर तू

अंतरात रे तू माझ्या सदा उरी


गोड बोलाचा गोड घास

घे गोड मानून तू मनात

कशास हवी रे आपणा

गाठ भेट दावण्या रे जनास....!!!

--प्रशांत शिंदे
------------

                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-30.08.2023-बुधवार.
=========================================