रक्षाबंधन-कविता-14-रक्षाबंधन

[Atul Kaviraje]

                                      "रक्षाबंधन"
                                     -----------

मित्र/मैत्रिणींनो,

     आज दिनांक-३०.०८.२०२३-बुधवार आहे. आज "रक्षाबंधन" आहे. रक्षाबंधन हा सण श्रावण महिन्याच्या शुक्ल पक्षाच्या पौर्णिमेला साजरा केला जातो. बहीण-भावाच्या नात्यातील पावित्र्य जपणाऱ्या या सणाला हिंदू धर्मात विशेष महत्व आहे. यंदा ३० ऑगस्ट रोजी हा सण साजरा केला जाणार आहे. या दिवशी बहिणी आपल्या भावाच्या हातावर राखी बांधून त्याच्या सुरक्षिततेसाठी आणि दीर्घायुष्यासाठी प्रार्थना करते. मराठी कवितेच्या माझ्या सर्व भाऊ-बहीण, कवी-कवियित्रीना रक्षाबंधन सणाच्या अनेक हार्दिक शुभेच्छा. वाचूया, रक्षाबंधन वर कविता.   

                                     "रक्षाबंधन"
                                    -----------

नात्यांचं बंधन आहे रक्षाबंधन

आहे नातं सदा जन्मोजन्मीचे,

भाव भावनांचे, हळवे हे नाते

प्रेम बंधन नातं भाऊबहिणीचे..!!


आला सण हा राखी पौर्णिमेचा

ओवाळेन बहिण ती भाऊराया,

गोडधोड करून ती भरवीन

प्रेमाचा घास तया मुखाया..!!


लावून कुमकुम तिलक भाळी

औक्षिते तुज, बांधते रेशीमगाठी,

उजळू दे तुझं आयुष्य, बहरू दे

तुही रहा भाऊ माझ्या पाठी..!!


आहेस तू सीमेवर, देश रक्षणार्थ

अन् तुझ्या भेटीसाठी मी उभी दारात,

प्रत्येक रक्षाबंधन येतो आणि जातो

पण, तू न येता, तुझी आठव मनात..!!


फुलांचा सुगंध अन् मातीचा तो गंध

निरोप येतो तू सुरक्षित असल्याचा,

पुढल्या वर्षी नक्की येईन असं सांगून

पण, नंतर आभास होतो तू नसल्याचा..!!

--प्रणाली कदम
--------------

                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-30.08.2023-बुधवार.
=========================================