रक्षाबंधन-कविता-17

[Atul Kaviraje]

                                      "रक्षाबंधन"
                                     -----------

मित्र/मैत्रिणींनो,

     आज दिनांक-३०.०८.२०२३-बुधवार आहे. आज "रक्षाबंधन" आहे. रक्षाबंधन हा सण श्रावण महिन्याच्या शुक्ल पक्षाच्या पौर्णिमेला साजरा केला जातो. बहीण-भावाच्या नात्यातील पावित्र्य जपणाऱ्या या सणाला हिंदू धर्मात विशेष महत्व आहे. यंदा ३० ऑगस्ट रोजी हा सण साजरा केला जाणार आहे. या दिवशी बहिणी आपल्या भावाच्या हातावर राखी बांधून त्याच्या सुरक्षिततेसाठी आणि दीर्घायुष्यासाठी प्रार्थना करते. मराठी कवितेच्या माझ्या सर्व भाऊ-बहीण, कवी-कवियित्रीना रक्षाबंधन सणाच्या अनेक हार्दिक शुभेच्छा. वाचूया, रक्षाबंधन वर कविता.   

                  रक्षाबंधन कविता--

सण आजचा वर्षाचा
आहे रक्षाबंधनाचा,
नेत्रांच्या निरांजनाने
भावास ओवळण्याचा....
                                कृष्ण जसा द्रौपदीस
                                तसा लाभला तू मला,
                                ओवाळते भाऊराया
                               ओक्ष माझे लाभो तुला.....
असा आनंद सोहळा
तुजविण सुना-सुना
इथुनी ओवाळिते मी
समजुनी घे भावना....
                                तुझी आठवण येता
                                मन भरून रे येते,
                                तुला पाहण्याची आस
                                माझ्या मनात तेवते...
नाते बहिण भावाचे
आहे अती प्रेमाचे.
मेग-याच्या गंधासम
नित्य मनी जपायचे.....
                              तुज लाभो यश कीर्ती
                              हेच मागणे मागते.
                              आजच्या या शुभदिनी
                              गणेशास विनविते.....

                      (साभार आणि सौजन्य-संदर्भ-मराठी महिला.कॉम)
                     --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-30.08.2023-बुधवार.
=========================================