रक्षाबंधन-कविता-18-रक्षाबंधन

[Atul Kaviraje]

                                      "रक्षाबंधन"
                                     -----------

मित्र/मैत्रिणींनो,

     आज दिनांक-३०.०८.२०२३-बुधवार आहे. आज "रक्षाबंधन" आहे. रक्षाबंधन हा सण श्रावण महिन्याच्या शुक्ल पक्षाच्या पौर्णिमेला साजरा केला जातो. बहीण-भावाच्या नात्यातील पावित्र्य जपणाऱ्या या सणाला हिंदू धर्मात विशेष महत्व आहे. यंदा ३० ऑगस्ट रोजी हा सण साजरा केला जाणार आहे. या दिवशी बहिणी आपल्या भावाच्या हातावर राखी बांधून त्याच्या सुरक्षिततेसाठी आणि दीर्घायुष्यासाठी प्रार्थना करते. मराठी कवितेच्या माझ्या सर्व भाऊ-बहीण, कवी-कवियित्रीना रक्षाबंधन सणाच्या अनेक हार्दिक शुभेच्छा. वाचूया, रक्षाबंधन वर कविता.   

                          रक्षाबंधन--

                    कुठल्याच नात्यात नसेल
                       एवढी ओढ आहे
               म्हणूनच भाऊ बहिणीच हे नातं
                     खूप खूप गोड आहे.' "

                "पवित्र या नात्यामध्ये आहे
                       अनोखी ओढ
                   भाऊ बहिणीचे नाते आहे
                        अमृताहूनी गोड. "

                      दृढ बंध हा राखीचा
               दोन मनाचं अतूट एक बंधन आहे
            हळव्या नात्यांच्या धाग्यावर उमलणारं
                     अलवार स्पंदन आहे."

              "बंध हा प्रेमाचा, नाव ज्याचे राखी
              बांधिते भाऊराया आज तुझ्या हाती
             ओक्षिते प्रेमाने, उजळूनी दीप ज्योती
             रक्षावे मज सदैव अशीच फुलावी प्रीती."

                      "बहिणिच्या मायेचा
                         भावाच्या प्रेमाचा
                       सण जिव्हाळ्याचा
                           रक्षाबंधनाचा"

                          रक्षणाचे वचन
            प्रेमाचे बंधन घेऊन आला हा श्रावण
                लाख लाख शुभेच्छा तुम्हाला
           आज आहे बहिण-भावाचा पवित्र सण.'

                      दृढ बंध हा राखीचा
                     गौरव अतूट नात्याचा
                     नाजूक अक्षय प्रेमाचा
                     हा बंध रेशमी धाग्याचा."

                 माझ्या जीवनाचा प्रत्येक क्षण
                तुझ्या रक्षणार्थ सरलेला असेल
                 राखीच्या प्रत्येक धाग्यासोबत
               विश्वास तो सदैव उरलेला असेल.

                         नात्यांचे गोड बंधन
                         रेश्माच्या धाग्यांनी
                   अधिक समृद्ध करणारा सण
                            रक्षाबंधन."

                थोडी लढणारी थोडी भांडणारी
           थोडी चिडणारी थोडी काळजी घेणारी
                मस्ती करणारी एक बहिण असते
       तिच तर राखी पौर्णिमेची खरी शान असते."

                      (साभार आणि सौजन्य-संदर्भ-मराठी महिला.कॉम)
                     --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-30.08.2023-बुधवार.
=========================================