श्रीकृष्ण जयंती-श्री कृष्ण जन्माष्टमी भजन-2

[Atul Kaviraje]

                                       "श्रीकृष्ण जयंती"
                                      ----------------

मित्र/मैत्रिणींनो,

     आज दिनांक-०६.०९.२०२३-बुधवार आहे. आज "श्रीकृष्ण जयंती" आहे. शास्त्रानुसार श्रीकृष्ण जन्म रात्री १२ वाजता रोहिणी नक्षत्रामध्ये झाला होता. त्यानुसार गृहस्थ जीवन जगणारे भक्त ६ सप्टेंबर रोजी श्रीकृष्णाची जयंती साजरी करतील. मथुरेतही जन्माष्टमी ६ सप्टेंबरलाच साजरी केली जाणार आहे. या दिवशी रोहिणी नक्षत्राचा संयोगही असतो. हिंदी पंचांगानुसार, भाद्रपद महिन्यातील कृष्ण पक्षातील अष्टमी तिथी 6 सप्टेंबर 2023 रोजी दुपारी 3.37 वाजता सुरू होईल आणि 7 सप्टेंबर 2023 रोजी दुपारी 4.14 वाजता समाप्त होईल. भगवान श्रीकृष्णाचा जन्म मध्यरात्री झाला असल्याने जन्माष्टमी उत्सव रात्री साजरा केला जातो. त्यामुळे जन्माष्टमीची तारीख 7 सप्टेंबर मानली जाईल. मराठी कवितेच्या माझ्या सर्व भाऊ-बहीण, कवी-कवियित्रीना श्रीकृष्ण जयंतीच्या अनेक हार्दिक शुभेच्छा. वाचूया श्री कृष्ण जन्माष्टमी भजन.

        श्री कृष्ण जन्माष्टमी भजन| Shri Krishna Janmashtami Bhajan--

             भजन २--

नको लागू माझ्या नादाला
कान्हा रे बांधील उखळाला !!

बाहेरचा चोर घरामध्ये शिरला
दही दूध तूप लोणी खाऊन गेला

कशी सांगू माझ्या सासूला
कान्हा रे बांधील उखळाला !!

यमुनेच्या तीरी आंघोळीला गेली
साडीचोळी याने चोरून नेली

लाज नाही याच्या जीवाला
कान्हा रे बांधील उखळाला !!

एका जनार्दनी गवळ्याची नार
याच्या त्रासाला बाई कंटाळली फार

कशी सांगू माझ्या पतिला
कान्हा रे बांधील उखळाला !!

नको लागू माझ्या नादाला
कान्हा रे बांधील उखळाला...

                        (साभार आणि सौजन्य-संदर्भ-मराठीदुनिया.कॉम)
                       -------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.09.2023-बुधवार. 
=========================================