श्रीकृष्ण जयंती-कविता-1

[Atul Kaviraje]

                                       "श्रीकृष्ण जयंती"
                                      ---------------

मित्र/मैत्रिणींनो,

     आज दिनांक-०६.०९.२०२३-बुधवार आहे. आज "श्रीकृष्ण जयंती" आहे. शास्त्रानुसार श्रीकृष्ण जन्म रात्री १२ वाजता रोहिणी नक्षत्रामध्ये झाला होता. त्यानुसार गृहस्थ जीवन जगणारे भक्त ६ सप्टेंबर रोजी श्रीकृष्णाची जयंती साजरी करतील. मथुरेतही जन्माष्टमी ६ सप्टेंबरलाच साजरी केली जाणार आहे. या दिवशी रोहिणी नक्षत्राचा संयोगही असतो. हिंदी पंचांगानुसार, भाद्रपद महिन्यातील कृष्ण पक्षातील अष्टमी तिथी 6 सप्टेंबर 2023 रोजी दुपारी 3.37 वाजता सुरू होईल आणि 7 सप्टेंबर 2023 रोजी दुपारी 4.14 वाजता समाप्त होईल. भगवान श्रीकृष्णाचा जन्म मध्यरात्री झाला असल्याने जन्माष्टमी उत्सव रात्री साजरा केला जातो. त्यामुळे जन्माष्टमीची तारीख 7 सप्टेंबर मानली जाईल. मराठी कवितेच्या माझ्या सर्व भाऊ-बहीण, कवी-कवियित्रीना श्रीकृष्ण जयंतीच्या अनेक हार्दिक शुभेच्छा. वाचूया एक कविता.

                                       "राधेची साद"
                                      -------------

कृष्णा संयमी; कृष्णाकळा

अन् कृष्णाची चIहूल,

व्याकूळ झाले अंतःकरण

साद तयास घालून,


कृष्ण स्पर्श मंद मधुर

कृष्णवेडी हुरहूर,

व्याकुळ झाले अंतःकरण

साद तयास घालून,


क्षणमात्र त्या आठवणी

पळभराचे स्पर्श

गुंतून गेले अतीव क्षण,

वेळा त्या आठवुनी,


व्याकुळ झाले अंतःकरण

साद तयास घालून

गुंतलेल्या मनाचे भान गेले हरपून,

तन ही कृष्ण,मन ही कृष्ण ,

कंठ आला दाटून ,

व्याकूळ झाले अंतःकरण.

--गौतमी कुलकर्णी 
-----------------

                        (साभार आणि सौजन्य-संदर्भ-स्टोरीमिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.09.2023-बुधवार. 
=========================================