श्रीकृष्ण जयंती-कविता-8-क्रिष्णा

[Atul Kaviraje]

                                      "श्रीकृष्ण जयंती"
                                     ---------------

मित्र/मैत्रिणींनो,

     आज दिनांक-०६.०९.२०२३-बुधवार आहे. आज "श्रीकृष्ण जयंती" आहे. शास्त्रानुसार श्रीकृष्ण जन्म रात्री १२ वाजता रोहिणी नक्षत्रामध्ये झाला होता. त्यानुसार गृहस्थ जीवन जगणारे भक्त ६ सप्टेंबर रोजी श्रीकृष्णाची जयंती साजरी करतील. मथुरेतही जन्माष्टमी ६ सप्टेंबरलाच साजरी केली जाणार आहे. या दिवशी रोहिणी नक्षत्राचा संयोगही असतो. हिंदी पंचांगानुसार, भाद्रपद महिन्यातील कृष्ण पक्षातील अष्टमी तिथी 6 सप्टेंबर 2023 रोजी दुपारी 3.37 वाजता सुरू होईल आणि 7 सप्टेंबर 2023 रोजी दुपारी 4.14 वाजता समाप्त होईल. भगवान श्रीकृष्णाचा जन्म मध्यरात्री झाला असल्याने जन्माष्टमी उत्सव रात्री साजरा केला जातो. त्यामुळे जन्माष्टमीची तारीख 7 सप्टेंबर मानली जाईल. मराठी कवितेच्या माझ्या सर्व भाऊ-बहीण, कवी-कवियित्रीना श्रीकृष्ण जयंतीच्या अनेक हार्दिक शुभेच्छा. वाचूया एक कविता.

                                         "क्रिष्णा"
                                        ---------

क्रिष्ण

जो शामरंगी

जो मधुरमुखी

जो खट्याळ असा

जो प्रेमळ सखा

जो प्रेम पूजारी

जो कंसाला भारी

ज्याच्या स्पर्शाने उतरले पुराचे पाणी

ज्याची मिरा दिवानी

ज्याची शेषनागावर स्वारी

जो करे नेहमी दह्याची चोरी

जो छेडे नदी किनारी पोरी

ज्याने गीतेतुन दिली दुनियेला हुशारी

ज्याने भल्या भल्या राक्षसांना पाजले पाणी

ज्याच्या प्रेमात वेडी सहस्र नारी

ज्याच्या प्रेमाने पवित्र राधा बावरी

असा कोण कुशल सहस्र विद्याधारी

"भगवान श्री क्रिष्ण".........

--दीपक सूर्यवंशी
---------------

                        (साभार आणि सौजन्य-संदर्भ-स्टोरीमिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.09.2023-बुधवार. 
=========================================