श्रीकृष्ण जयंती-कविता-13-श्रीकृष्णाची भूपाळी

[Atul Kaviraje]

                                    "श्रीकृष्ण जयंती"
                                   ---------------

मित्र/मैत्रिणींनो,

     आज दिनांक-०६.०९.२०२३-बुधवार आहे. आज "श्रीकृष्ण जयंती" आहे. शास्त्रानुसार श्रीकृष्ण जन्म रात्री १२ वाजता रोहिणी नक्षत्रामध्ये झाला होता. त्यानुसार गृहस्थ जीवन जगणारे भक्त ६ सप्टेंबर रोजी श्रीकृष्णाची जयंती साजरी करतील. मथुरेतही जन्माष्टमी ६ सप्टेंबरलाच साजरी केली जाणार आहे. या दिवशी रोहिणी नक्षत्राचा संयोगही असतो. हिंदी पंचांगानुसार, भाद्रपद महिन्यातील कृष्ण पक्षातील अष्टमी तिथी 6 सप्टेंबर 2023 रोजी दुपारी 3.37 वाजता सुरू होईल आणि 7 सप्टेंबर 2023 रोजी दुपारी 4.14 वाजता समाप्त होईल. भगवान श्रीकृष्णाचा जन्म मध्यरात्री झाला असल्याने जन्माष्टमी उत्सव रात्री साजरा केला जातो. त्यामुळे जन्माष्टमीची तारीख 7 सप्टेंबर मानली जाईल. मराठी कवितेच्या माझ्या सर्व भाऊ-बहीण, कवी-कवियित्रीना श्रीकृष्ण जयंतीच्या अनेक हार्दिक शुभेच्छा. वाचूया एक कविता.

                                  "श्रीकृष्णाची भूपाळी"
                                 -------------------

जाग रे जाग बापा । विश्वपालका कृष्णा ।

दीन आम्ही उभे द्वारी । आमुची बोळवी तृष्णा ॥ ध्रु. ॥



त्रासलो प्रपंची या । बहु कष्टलो भारी ।

म्हणवूनि शरण आलो । विभो तुझिया द्वारी ॥ १ ॥



सांग बा न्यून काय । हरि तुझिया भांडारी ।

याचक भीक मागे । प्रेम दीई झडकरी ॥ २ ॥



गुरुकृपे उदयो झाला । हरि उदया आला ।

सुख ते काय सांगू । जिवलग भेटला ॥ ३ ॥



श्रीगुरुनाथराया । कृपासिंधु गोविंदा ।

देवनाथ प्रार्थिताहे । प्रभुपदारविंदा ॥ ४ ॥

--AUTHOR UNKNOWN
-------------------------

                        (साभार आणि सौजन्य-संदर्भ-स्टोरीमिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.09.2023-बुधवार. 
=========================================