गोपाळ-कIला(दहीहंडी)-कविता-2-गोपाल काला

[Atul Kaviraje]

                                  "गोपाळ-कIला(दहीहंडी)"
                                 ------------------------

मित्र/मैत्रिणींनो,

     आज दिनांक-०७.०९.२०२३-गुरुवार आहे. आज "गोपाळ-कIला (दही हंडी)" आहे. दहीहंडी हा श्रीकृष्ण जन्माष्टमीच्या दुसऱ्या दिवशी साजरा केला जाणारा सण आहे. दहीहंडी हा सण संपूर्ण राज्यात मोठ्या उत्साहानं साजरा केला जातो. तरुण मंडळी तर या सणाची आतुरतेने वाट पाहातात. कारण या दिवशी एकावर एक थर रचून मोठमोठ्या दही हंडी फोडण्याची संधी मिळते. बाल गोपाळांच्या जन्मानिमित्त दहीहंडी उत्सव मोठ्या थाटामाटात साजरा केला जातो. पौराणिक कथेनुसार, भगवान श्रीकृष्ण लहान असताना दही, दूध, लोणी आणि इतर दुग्धजन्य पदार्थ खात होते. कृष्णापासून त्याचे रक्षण करण्यासाठी त्यांची आई यशोदा दहीहंडी उंच ठिकाणी ठेवत असे, पण बालगोपालांनाही तिथे जाता आले. मराठी कवितेच्या माझ्या सर्व भाऊ-बहीण, कवी-कवियित्रीना गोपाळ-काल्याच्या अनेक हार्दिक शुभेच्छा. वाचूया दहीहंडी सणाची कविता. 

                                    "गोपाल काला"
                                   --------------

श्रावण मासा वद्य अष्टमीस

श्रीकृष्ण मथुरेत प्रकटले

धन्य झाले वसुदेव ,देवकी

कंसापासुनी त्यास लपविले ||१||


करते साजरी जन्माष्टमी

पौराणिक असे ही प्रथा

साजरा करतात उत्सव

गोपालकाल्याची कथा ||२||


दहीदुधाने भरलेला हंडा

गोविंदाचा साहसी खेळ

मानवी मनोऱ्यावरून

मडके फोडण्याचा मेळ ||३||


गोविंदा आला रे गोपाला

गोकुळात आनंद झाला

गित गातात लहान -थोर

साजरा करी गोपालकाला ||४||


थरावर थर ते लावूनी

करती जीवाशी करार

बांधूनी उंच दहीहंडी

बोली लावती हजार ||५||


माने विष्णूचा आठवा अवतार

श्रीकृष्णाचे करुनी स्मरण

बाललीला ,नीती ,प्रेम ,त्याग

या सर्वां आपण करू नमन ||६||

--संगीतI पवार
--------------

                        (साभार आणि सौजन्य-संदर्भ-स्टोरीमिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-07.09.2023-गुरुवार. 
=========================================