गोपाळ-कIला(दहीहंडी)-कविता-3-श्रावण महिमा

[Atul Kaviraje]

                                 "गोपाळ-कIला(दहीहंडी)"
                                ------------------------

मित्र/मैत्रिणींनो,

     आज दिनांक-०७.०९.२०२३-गुरुवार आहे. आज "गोपाळ-कIला (दही हंडी)" आहे. दहीहंडी हा श्रीकृष्ण जन्माष्टमीच्या दुसऱ्या दिवशी साजरा केला जाणारा सण आहे. दहीहंडी हा सण संपूर्ण राज्यात मोठ्या उत्साहानं साजरा केला जातो. तरुण मंडळी तर या सणाची आतुरतेने वाट पाहातात. कारण या दिवशी एकावर एक थर रचून मोठमोठ्या दही हंडी फोडण्याची संधी मिळते. बाल गोपाळांच्या जन्मानिमित्त दहीहंडी उत्सव मोठ्या थाटामाटात साजरा केला जातो. पौराणिक कथेनुसार, भगवान श्रीकृष्ण लहान असताना दही, दूध, लोणी आणि इतर दुग्धजन्य पदार्थ खात होते. कृष्णापासून त्याचे रक्षण करण्यासाठी त्यांची आई यशोदा दहीहंडी उंच ठिकाणी ठेवत असे, पण बालगोपालांनाही तिथे जाता आले. मराठी कवितेच्या माझ्या सर्व भाऊ-बहीण, कवी-कवियित्रीना गोपाळ-काल्याच्या अनेक हार्दिक शुभेच्छा. वाचूया दहीहंडी सणाची कविता. 

                                    "श्रावण महिमा"
                                   --------------

आला श्रावण महिना

करू मंगळागौरीचे पूजन!!

करू साजशृंगार

पूजा करू नटूनथटून!!


झिम्मा फुगडी चा खेळ

आला सण नागपंचमीचा!!

मेहंदी लावून हाताला

खेळ खेळू आनंदाचा!!


आला श्रावण सोमवार

पूजा करु महादेवाची!!

बेल वाहू पिंडीवर

भक्ती करू भोलेनाथाची!!


बहिण ओवाळते भाऊ राया

सण हा पवित्र बंधनाचा!!

बांधू रेशमी धागा

हातावर रक्षाबंधनाचा!!


आली श्री कृष्ण जन्माष्टमी

झाला सर्वांचा मेळावा!!

आनंद साजरा करू

दहीहंडी फोडावया!!


स्वातंत्र्य दिन साजरा करू

आला श्रावणात!!

मिळाले स्वातंत्र्य

आठवण ठेवू आनंदात!!

--नूतन पाटील
-------------

                         (साभार आणि सौजन्य-संदर्भ-स्टोरीमिरर.कॉम)
                        ----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-07.09.2023-गुरुवार. 
=========================================