पिठोरी अमावस्या-कविता-1

[Atul Kaviraje]

                                    "पिठोरी अमावस्या"
                                   ------------------

मित्र/मैत्रिणींनो,

     आज दिनांक-१४.०९.२०२३-गुरुवार आहे. आज "पिठोरी अमावस्या" आहे. याला श्रावण अमावस्या, पोळा अमावस्या तसेच दर्श अमावस्या असे देखील म्हटले जाते. तसेच या दिवशी बैल पोळा सण देखील साजरा केला जातो. पिठोरी अमावस्येला स्त्रिया आपल्या मुलांचे रक्षण करण्यासाठी उपवास करतात. संततीची इच्छा असणारे देखील या दिवशी व्रत - पूजा करतात. (अमावस्या तिथी समाप्त - 15 सप्टेंबर 2023 सकाळी 07:09 वाजता). मराठी कवितेच्या माझ्या सर्व भाऊ-बहीण कवी-कवियित्रीना पिठोरी अमावस्येच्या अनेक हार्दिक शुभेच्छा. वाचूया या सणIवर कविता.

                                  "पिठोरी अमावस्या"
                                 ------------------

सण लग्न सोहळ्याचा
सर्जा राजाच्या लग्नाचा
श्रावण महिन्यांचा अंती
पोळा सण हा आंनदाचा

झाली लगबग हळदीची
सर्जा बैलास लावायची
नवरदेव तयार सजून
वर्षभर मेहनत करून

नविन झूल पांघरून
कंठी नवी घंटी लेवून
शिंगास पताका लावून
रंगरंगोटी फुगे बांधून

जरी दमलाय करून
शेता मध्ये आला राबून
माझ्या बाबाच लेकरू
त्याचे लाख कोड कौतूक

वरातीत ढोल ताशा वाजतो
नवरा खुषीत ओ डोलतो
कसा झुकून लाजतो 
गाय वासरू दिसता

आंनद सोळहा सारा
साजरा होतो पुरा
मंगकाष्टक गाते आई
लग्नात बैलाच्या बाई

अख्खे वर्षभर राबतो
पण आज त्याचा दिवस
त्याच्या लग्नाचा हा थाट
सण पोळ्याचा अन् आवास

माहेरी पिठोरी अवस
येते ती आठवणी घेऊन
पाणवतात डोळे आज
आठवणी बाबाच्या येऊन

--सुरजकुमारी गोस्वामी
--------------------

                       (साभार आणि सौजन्य-संदर्भ-स्टोरीमिरर.कॉम)
                      -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-14.09.2023-गुरुवार.
=========================================