बैलपोळा-कविता-2-जीवाशिवा

[Atul Kaviraje]

                                       "बैलपोळा"
                                      -----------

मित्र/मैत्रिणींनो,

     आज दिनांक-१४.०९.२०२३-गुरुवार आहे. आज "बैलपोळा" आहे. पोळा किंवा बैलपोळा हा श्रावण अमावस्या किंवा भाद्रपद अमावास्या या तिथीला प्रदेशानुसार साजरा करण्यात येणारा बैलांचा सण आहे. बैलांप्रती कृतज्ञता व्यक्त करणारा हा एक मराठी सण असून हा विशेषतः विदर्भात भव्य पातळीवर साजरा केला जातो, विदर्भातील सीमेवर असलेल्या मध्य प्रदेश व तेलंगण सीमाभागातसुद्धा हा सण साजरा होतो. मराठी कवितेच्या माझ्या सर्व बंधू-भगिनी, कवी-कवियित्रीना बैलपोळाच्या अनेक हार्दिक शुभेच्छा. वाचूया, या सणIवर कविता.

                                      "जीवाशिवा"
                                     ------------

मान मान जीवा शिवा

आहे तुमचाच मान

पोळ्याच्या सणाला

करतो आम्ही सन्मान

जीवा शिवा।।धृ।।


पोळ्याच्या सणाला

करतात बरे काय

खांदेमळन बैलांची

धुतात त्यांचे पाय

जीवा शिवा ||१||


जीवा शिवा कष्टाळू

करतात खुप काम

पोळ्याच्या सणाला

करा की आराम

जीवा शिवा ||२||


चढली झूल अंगावर

गळ्यात घुंगुरमाळा

गोंडे शोभती शिंगाला

पायी छुमछुम वाळा

जीवा शिवा ||३||


मिरवणूक तुमची

वाजती ढोल ताशे

वर्षाच्या कामातून

व्हा मुक्त जरासे

जीवा शिवा ||४||

--शिला अंभुरे
-------------

                         (साभार आणि सौजन्य-संदर्भ-स्टोरीमिरर.कॉम)
                         ----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-14.09.2023-गुरुवार.
=========================================