बैलपोळा-कविता-4-बैलपोळ्यात मी

[Atul Kaviraje]

                                        "बैलपोळा"
                                       -----------

मित्र/मैत्रिणींनो,

     आज दिनांक-१४.०९.२०२३-गुरुवार आहे. आज "बैलपोळा" आहे. पोळा किंवा बैलपोळा हा श्रावण अमावस्या किंवा भाद्रपद अमावास्या या तिथीला प्रदेशानुसार साजरा करण्यात येणारा बैलांचा सण आहे. बैलांप्रती कृतज्ञता व्यक्त करणारा हा एक मराठी सण असून हा विशेषतः विदर्भात भव्य पातळीवर साजरा केला जातो, विदर्भातील सीमेवर असलेल्या मध्य प्रदेश व तेलंगण सीमाभागातसुद्धा हा सण साजरा होतो. मराठी कवितेच्या माझ्या सर्व बंधू-भगिनी, कवी-कवियित्रीना बैलपोळाच्या अनेक हार्दिक शुभेच्छा. वाचूया, या सणIवर कविता.

                                    "बैलपोळ्यात मी"
                                   ----------------

आजही धावतो बैलपोळ्यात मी

सारखा रंगतो बैलपोळ्यात मी


सण बळीचा खरा आज आला पुन्हा

सुख नवे भोगतो बैलपोळ्यात मी


छान टोपी दिसे आज डोक्यावरी

घालुनी चालतो बैलपोळ्यात मी


रंग सुंदर दिला बैल गाईस त्या

रूप ते पाहतो बैलपोळ्यात मी


तोरणाची जरी उंच दोरी असे

मान तर राखतो बैलपोळ्यात मी

--वासुदेव गुमटकर
-----------------

                         (साभार आणि सौजन्य-संदर्भ-स्टोरीमिरर.कॉम)
                        -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-14.09.2023-गुरुवार.
=========================================