बैलपोळा-कविता-7-बैलपोळा

[Atul Kaviraje]

                                        "बैलपोळा"
                                       -----------

मित्र/मैत्रिणींनो,

     आज दिनांक-१४.०९.२०२३-गुरुवार आहे. आज "बैलपोळा" आहे. पोळा किंवा बैलपोळा हा श्रावण अमावस्या किंवा भाद्रपद अमावास्या या तिथीला प्रदेशानुसार साजरा करण्यात येणारा बैलांचा सण आहे. बैलांप्रती कृतज्ञता व्यक्त करणारा हा एक मराठी सण असून हा विशेषतः विदर्भात भव्य पातळीवर साजरा केला जातो, विदर्भातील सीमेवर असलेल्या मध्य प्रदेश व तेलंगण सीमाभागातसुद्धा हा सण साजरा होतो. मराठी कवितेच्या माझ्या सर्व बंधू-भगिनी, कवी-कवियित्रीना बैलपोळाच्या अनेक हार्दिक शुभेच्छा. वाचूया, या सणIवर कविता.

                                       "बैलपोळा"
                                      -----------

बैल नांगर ओढतो

धन्यासवे हा राबतो

मित्र धन्याचा शोभतो

शेतकरी आज गातो......


सण पोळा आज आला

आले उधाण जगाला

गाव सारा हा रंगला

साज चढला बैलाला


माळ घुंगरांची गळा

रंग, चित्र पाठी मेळा

काच, रंगी गोंडा डोळा

बैल सजला हो भोळा


अमावस्या ही श्रावणी

सारे जग तुझे ऋणी

पुरणाचा हो नैवद्य

जोडी धनीच्या अंगणी


तुझा पोळ्यास जागर

पेलतोस जगभर

ऋण तुझे आम्हावर

कसे मानावे आभार

--अनुपम तावररोकडे
-------------------

                        (साभार आणि सौजन्य-संदर्भ-स्टोरीमिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-14.09.2023-गुरुवार.
=========================================