रुप तुझे

[शिवाजी सांगळे]

रुप तुझे

तुला ना मोह झाला तु तुझ्याच रुपात
तोही साऱ्या अशा बदलांच्या परीघात

वेळ तर बदलली, काळ ही बदलतोय
करून मात साऱ्यांवरती तु दिमाखात

मोहक क्षणभर, येतील कैक मायावी
तु साजरी गोजरी खरी तुझ्या कैफात

भले कळे ना कुणा लावण्याची भाषा
डोलता पदर तुझा जणू तरंग तळ्यात

सोज्ज्वळ, मादक, कधी भिन्न रुपात
खुलते रुप ललनेचे, खरोखर साडीत

©शिवाजी सांगळे 🦋papillon
 संपर्क: +९१ ९५४५९७६५८९