हरितालिका-कविता-2-खरी हरतालिका ..!!

[Atul Kaviraje]

                                       "हरितालिका"
                                      -------------

मित्र/मैत्रिणींनो,

     आज दिनांक-१८.०९.२०२३-सोमवार आहे. आज "हरितालिका" आहे. हरितालिका हे व्रत महाराष्ट्र, उत्तर प्रदेश, झारखंड, मध्यप्रदेश, बिहार, राजस्थान या राज्यात साजरे केले जाते. प्रत्येक ठिकाणी पूजेची प्रथा वेगळी असली, तरी शिव-पार्वतीची उपासना म्हणूनच हे व्रत केले जाते. यंदा सोमवार 18 सप्टेंबर 2023 रोजी हरितालिका व्रत केले जाणार आहे. मराठी कवितेच्या माझ्या सर्व बंधू-भगिनी, कवी-कवियत्रीस हरितालिकेच्या अनेक हार्दिक शुभेच्छा. वाचूया, हरतालिका कविता.

                                 "खरी हरतालिका ..!!"
                                ---------------------

जन्मदाते आई बाबा
पहिल्या कप्प्यात होते बसले
त्यांच्या सवे घालवलेले बालपण
मला बघुन खुदकन हसले

दुसऱ्या कप्प्यात होती शाळा
भाऊ,बहिणी, मैत्रीणी गोतावळा
डोकावून बघताच सारे जण
आठवणीच्या रुपात झाले गोळा

स्वप्न आणि परंपरा
ह्यातील दऱ्या संधात होते
नकळत माझ्या भोवतालच्या
भिंती मीच बांधत होते

सासर माहेर नवरा मुले
चौथ्या कप्प्यात होती गर्दी
नकळत साऱ्या जबादाऱ्यांची
अंगावरती चढली वर्दी

पट या आयुष्याचा
सरसर पुढे सरत होता
अनुभवांची शिदोरीही
कणाकणाने भरत होता

ह्याच कप्प्यात दिसली मला
एक छोटीशी जागा रिकामी
तीला बघताच मागे फिरले
वाटले ही तर आहे निकामी

का कोणास ठाऊक
हा कप्पा जरा नाराज दिसला
मला वळताना बघुन
किंचितसा खिन्न हसला

साऱ्यांसाठि जगुन झाले
आता तरी येऊदे भान
ह्या छोट्याश्या कप्प्यात तरी
दे जरा स्वतः ला स्थान

झाले अपमान ही बरेच
नाकारले जगणेच तुझे
अस्तित्व तुझे उरले काय
तुझे नकोशीच हेच स्थान

साऱ्यांच्या भावना जपताना
काय लागले हाताला
आता मात्र मैत्रीच्या डोहात
दे झोकुन स्वतःला

ठाऊक नाही श्वास आता
किती उरलेत आयुष्याचे
आता तरी या कप्प्यात
स्थान जप स्वतःचे
स्थान जप स्वतःचे

ओळख आता अस्तित्व स्वतःचे
इतरांच्या आणि स्वतःच्याच मनातले
सर्वांना हरणारी खरी हरतालिका तूच
ही ओळखच तुझी स्वतःचीच स्वतःला
हरणारी हरतालिकाच स्वतःच स्वतःला

--©मधुरा धायगुडे
----------------

                         (साभार आणि सौजन्य-संदर्भ-मराठीबोली.इन)
                        ----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-18.09.2023-सोमवार.
=========================================