दिवाळी

[sulabhasabnis@gmail.com]

            दिवाळी 

दिवाळीचे आगमन आनंदाला आमंत्रण

आणि सुख-सुमनांची  घरोघरी  उधळण 

चिमुकले तेजोदीप उजळती दारोदारी

आकाशीचे तारांगण उतरते धरेवरी

दारी सुंदर रांगोळी रंगा-रंगांनी सजते

आकाशदिव्याची शोभा नयनांस मोहविते 

दु:ख-निराशा भरली रात दूर ही सरते

नव्या आशेची पहाट मनामनात हासते

मनाच्या नभी दाटती स्वप्नमेघ परोपरी

सुखसमृद्धीच्या सरी बरसु देत जगावरी

            ---------------