श्रीगणेश चतुर्थी-कविता-1-आगमन गणरायाचे

[Atul Kaviraje]

                                    "श्रीगणेश चतुर्थी"
                                   ----------------

मित्र/मैत्रिणींनो,

     आज दिनांक-१९.०९.२०२३-मंगळवार आहे. आज "श्रीगणेश चतुर्थी" आहे. गणेश चतुर्थी हा सण देशातील विविध राज्यांमध्ये साजरा केला जातो. तथापि, हा सण सगळ्या जास्त महाराष्ट्रात साजरा केला जातो. गणेश चतुर्थी हा हिंदूंचा एक अतिशय महत्त्वाचा सण आहे, जो दरवर्षी भाविक मोठ्या जोशाने आणि उत्साहाने साजरा करतात. हिंदू मान्यतेनुसार, गणेश चतुर्थी दरवर्षी भगवान गणेशाच्या वाढदिवस म्हणून साजरा केला जातो. मराठी कवितेच्या माझ्या सर्व बंधू-भगिनी, कवी-कवियत्रींना गणेश चतुर्थीच्या अनेक हार्दिक शुभेच्छा. वाचूया गणेश चतुर्थीवर कविता.

                                 "आगमन गणरायाचे"
                                -------------------

आला आला आला , गणपती आला

आनंद झाला हो , आनंद झाला हो  //ध्रु//


गणेश चतुर्थी , आगमन झाले

सकल भक्त हे , नाचाया लागले

किती मी सांगू हो , मोद जहाला हो  (1)


गजानना तव , रुप मनोहर

चिंता हरविसी , तूचि विघ्नहर

वाट पहाती हो , आनंद झाला हो  (2)


विद्या नि कलांचा , तूच अधिपती

संकट विघ्नांना , तूच हरविसी

नाचू गाऊ या हो , या बाप्पा आला हो   (3)


श्रद्धा हो भक्तांची , आहे मनोमनी

हरशील चिंता ,विघ्ने हरवूनी

तूच रक्षक हो , तूच तारिसी हो (4)

--मनीषा आवेकर
----------------

                        (साभार आणि सौजन्य-संदर्भ-स्टोरी मिरर.कॉम)
                       ------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-19.09.2023-मंगळवार.
=========================================