श्रीगणेश चतुर्थी-कविता-5-सुप्रभात !

[Atul Kaviraje]

                                     "श्रीगणेश चतुर्थी"
                                    ----------------

मित्र/मैत्रिणींनो,

     आज दिनांक-१९.०९.२०२३-मंगळवार आहे. आज "श्रीगणेश चतुर्थी" आहे. गणेश चतुर्थी हा सण देशातील विविध राज्यांमध्ये साजरा केला जातो. तथापि, हा सण सगळ्या जास्त महाराष्ट्रात साजरा केला जातो. गणेश चतुर्थी हा हिंदूंचा एक अतिशय महत्त्वाचा सण आहे, जो दरवर्षी भाविक मोठ्या जोशाने आणि उत्साहाने साजरा करतात. हिंदू मान्यतेनुसार, गणेश चतुर्थी दरवर्षी भगवान गणेशाच्या वाढदिवस म्हणून साजरा केला जातो. मराठी कवितेच्या माझ्या सर्व बंधू-भगिनी, कवी-कवियत्रींना गणेश चतुर्थीच्या अनेक हार्दिक शुभेच्छा. वाचूया गणेश चतुर्थीवर कविता.

                                      "सुप्रभात !"
                                     -----------

आ आ .........आ आ....आआ..!

तंबोऱ्यावरी राग आळवितो

गाउनी भूपाळी

उठ भक्ता उठ आता

सकाळ रे झाली...!


आज चतुर्थी भाद्रपदाची

उत्सव बघ चालू झाला

अजून का रे तुझा

आळस नाही गेला...?


जागरण झाले फार देवा

थांब जरा घेऊ दे विश्रांती

मीच करता धरता या सणाचा

मनी ठेव थोडी शांती


गडबड गोंधळ करू नको

मोदक करते ती मायेने

सावकाश होऊ दे सारे

पार पाडुया सारे समाधानाने


आळव तू कोणताही राग

फरक काही पडणार नाही

राग तुझा रे आम्हा देवा

तूस भरही येणार नाही


तुझ्याकडे ना कर्णा

ना कर्ण कर्कश्श डॉल्बी

भीती कसली घालतोस मला

तुझ्या मधुर तंबोऱ्याची


बरे वाटते आज मला

गायन तुझे कर्णमधुर ऐकून

असेच वाटते मला देवा

रहावे अंथरुणातच पडून....!!!

--प्रशांत शिंदे
------------

                       (साभार आणि सौजन्य-संदर्भ-स्टोरी मिरर.कॉम)
                      ------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-19.09.2023-मंगळवार.
=========================================