श्रीगणेश चतुर्थी-कविता-6-शब्दब्रम्ह तूंचि गणेषु

[Atul Kaviraje]

                                     "श्रीगणेश चतुर्थी"
                                    ----------------

मित्र/मैत्रिणींनो,

     आज दिनांक-१९.०९.२०२३-मंगळवार आहे. आज "श्रीगणेश चतुर्थी" आहे. गणेश चतुर्थी हा सण देशातील विविध राज्यांमध्ये साजरा केला जातो. तथापि, हा सण सगळ्या जास्त महाराष्ट्रात साजरा केला जातो. गणेश चतुर्थी हा हिंदूंचा एक अतिशय महत्त्वाचा सण आहे, जो दरवर्षी भाविक मोठ्या जोशाने आणि उत्साहाने साजरा करतात. हिंदू मान्यतेनुसार, गणेश चतुर्थी दरवर्षी भगवान गणेशाच्या वाढदिवस म्हणून साजरा केला जातो. मराठी कवितेच्या माझ्या सर्व बंधू-भगिनी, कवी-कवियत्रींना गणेश चतुर्थीच्या अनेक हार्दिक शुभेच्छा. वाचूया गणेश चतुर्थीवर कविता.

                                  "शब्दब्रम्ह तूंचि गणेषु"
                                 ---------------------

श्री गणपती एकदंत विघ्नहरा रे

महिमा तव सर्व जगी तू चतूरा रे

ती मंगल पाशाअंकुश शोभती रे ॥

सकल मनी प्रकाशू शरण तुला रे

रोज तुला स्मरती सकल जन रे

जननायक तू लंबोदरा रे ॥

सुखकर्ता बुद्धीदाता नित्य तू रे

रेखीव , मोहक रूप तूझे रे

शमीपत्र , मोदक अति प्रिय रे ॥

गाजत वाजत येशी घरा रे

जपाकुसुम रक्तम्बरगंध रे

रेशमी वस्त्र पितांबरा रे ।।

पुगी फलतंबूल , पंचामृत

चंदन , कुमकुम , सिन्दुर , अक्षत

सिन्दुर तुज हरिद्र गणेश समर्पयामी ।

हाकेला धाव रे , नवसाला पाव रे ।

माझ्या तू भालचंद्रा रे ॥

--सरोज गजरे
-------------

                         (साभार आणि सौजन्य-संदर्भ-स्टोरी मिरर.कॉम)
                        -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-19.09.2023-मंगळवार.
=========================================