श्रीगणेश चतुर्थी-कविता-9-गणेश अभंग...!

[Atul Kaviraje]

                                     "श्रीगणेश चतुर्थी"
                                    ----------------

मित्र/मैत्रिणींनो,

     आज दिनांक-१९.०९.२०२३-मंगळवार आहे. आज "श्रीगणेश चतुर्थी" आहे. गणेश चतुर्थी हा सण देशातील विविध राज्यांमध्ये साजरा केला जातो. तथापि, हा सण सगळ्या जास्त महाराष्ट्रात साजरा केला जातो. गणेश चतुर्थी हा हिंदूंचा एक अतिशय महत्त्वाचा सण आहे, जो दरवर्षी भाविक मोठ्या जोशाने आणि उत्साहाने साजरा करतात. हिंदू मान्यतेनुसार, गणेश चतुर्थी दरवर्षी भगवान गणेशाच्या वाढदिवस म्हणून साजरा केला जातो. मराठी कवितेच्या माझ्या सर्व बंधू-भगिनी, कवी-कवियत्रींना गणेश चतुर्थीच्या अनेक हार्दिक शुभेच्छा. वाचूया गणेश चतुर्थीवर कविता.

                                    "गणेश अभंग...!"
                                   -----------------

                 श्री अष्टविनायक अभंग ....!

श्री गजानन नाम। तुला हे शोभले

परिचित झाले।विनायक।।

अष्ट ग्रामी अभा। तुझी रे फाकली।

विविध दिसली। तुझी रूपे।

गवसले तिथे। वास्तव्य वसले।

निर्मळ दिसले ।गजानन।।

पेशवे आधार ।झाला जीर्णोद्धार ।

सजले आवार । लगोलग ।।

नामास साजेसे ।घेतले हे रूप ।

दाविले स्वरूप । गजानन।।

श्रीमयुरेश्वर ।मोरगाव गावी।

मूर्ती ही शोभावी। गोडरूप ।।

सिद्ध टेक ग्रामी ।सिद्धिविनायक।

शोभे हा नायक । गावोगावी ।।

बल्लाळेश्वर हा ।पालि त वसला ।

गोजीरा दिसला । भक्ताचिया।।

वरदविनायक । बाळ हर लहान।

तरीही महान। महाडात।।

चिंतामणी वसे । पुण्याचा शेजार।

नाव हे थेऊर । शोभिवन्त ।।

गिरिजात्मक ते । लेण्याद्री निवासी।

धावती प्रवासी।दर्शनास ।।

विघ्नेश्वर बाप्पा। ओझर गावात।

गोंडस रुपात।विराजले।।

महागणपती। रांजण गावात ।

सदा दिमाखात ।रहातसे।।

असा विनायक । आठ गावी झाक।

हे अष्टविनायक ।सुप्रसिद्ध ।।

नमन तयाला । मनोभावे करू ।

श्रद्धा मनी धरू । आशीर्वादा ।।

कृपा याची होता। विघ्न जाते दूर ।

जीवनात सूर। देवोनिया ।।

--प्रशांत शिंदे
------------

                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-19.09.2023-मंगळवार.
=========================================