श्रीगणेश चतुर्थी-कविता-10-वरद विनायक

[Atul Kaviraje]

                                      "श्रीगणेश चतुर्थी"
                                     ----------------

मित्र/मैत्रिणींनो,

     आज दिनांक-१९.०९.२०२३-मंगळवार आहे. आज "श्रीगणेश चतुर्थी" आहे. गणेश चतुर्थी हा सण देशातील विविध राज्यांमध्ये साजरा केला जातो. तथापि, हा सण सगळ्या जास्त महाराष्ट्रात साजरा केला जातो. गणेश चतुर्थी हा हिंदूंचा एक अतिशय महत्त्वाचा सण आहे, जो दरवर्षी भाविक मोठ्या जोशाने आणि उत्साहाने साजरा करतात. हिंदू मान्यतेनुसार, गणेश चतुर्थी दरवर्षी भगवान गणेशाच्या वाढदिवस म्हणून साजरा केला जातो. मराठी कवितेच्या माझ्या सर्व बंधू-भगिनी, कवी-कवियत्रींना गणेश चतुर्थीच्या अनेक हार्दिक शुभेच्छा. वाचूया गणेश चतुर्थीवर कविता.

                                     "वरद विनायक"
                                    ---------------

महड गावीचा | विनायक थोर ||

कृपा भक्तांवर | करीतसे   ||१||


स्वयंभू गणेश | मुर्ती आहे छान ||

नित्य वरदान |भक्तांप्रती   ||२||


भीम राजा शूर | होता दानशूर ||

उरी दु:खी फार | निपुत्रिक  ||३||


एकाक्षर मंत्र | जप त्याने केला ||

प्रसन्न जाहला | विनायक   ||४ ||


विनायक कृपे |पुत्र प्राप्ती खास ||

रुक्मांगद त्यास | नांव असे  || ५||


हेमाडपंती ते | मंदिर गावात ||

मुर्ती गाभाऱ्यात |शोभतसे  || ६||


चार भव्य हत्ती | सभोवती छान ||

मुर्ती ती महान |भक्तांना पावे ||७||


विनवितो तुज | जोडोनिया कर ||

धाव लवकर  | दास म्हणे    ||८ ||

--सोमदत्त कुलकर्णी
------------------

                      (साभार आणि सौजन्य-संदर्भ-स्टोरी मिरर.कॉम)
                     ------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-19.09.2023-मंगळवार.
=========================================