श्रीगणेश चतुर्थी-कविता-12-गणपती हे गणराया

[Atul Kaviraje]

                                      "श्रीगणेश चतुर्थी"
                                     ----------------

मित्र/मैत्रिणींनो,

     आज दिनांक-१९.०९.२०२३-मंगळवार आहे. आज "श्रीगणेश चतुर्थी" आहे. गणेश चतुर्थी हा सण देशातील विविध राज्यांमध्ये साजरा केला जातो. तथापि, हा सण सगळ्या जास्त महाराष्ट्रात साजरा केला जातो. गणेश चतुर्थी हा हिंदूंचा एक अतिशय महत्त्वाचा सण आहे, जो दरवर्षी भाविक मोठ्या जोशाने आणि उत्साहाने साजरा करतात. हिंदू मान्यतेनुसार, गणेश चतुर्थी दरवर्षी भगवान गणेशाच्या वाढदिवस म्हणून साजरा केला जातो. मराठी कवितेच्या माझ्या सर्व बंधू-भगिनी, कवी-कवियत्रींना गणेश चतुर्थीच्या अनेक हार्दिक शुभेच्छा. वाचूया गणेश चतुर्थी कविता.

               गणपती हे गणराया--

गणपती हे गणराया
विघ्न दूर करीशी हे तुची नाथा

अनाथांचा तूची आहेस वाली
दुःखी जनांना तुच देशी आधार
सुखाची तुच देशी झोळी भरभरून
महिमा तुझी आहे अपरंपार

सदा राहुदे भक्तांवर तुझ्या कृपेचा हात
गणपती हे गणराया आता
विघ्न दूर करीशी हे तुची नाथा

भक्त करिती तुझ्या नावाचा जागर
माणसा माणसामध्ये वाढलाय अहंम भाव
तुच त्यांना देऊनी बुद्धी
शिकवण देशी परोपकाराची

हिच विनवणी करितो
तुम्हा गणराया हात जोडूनी
आशिर्वाद असूदे या पामरांवरी

गणपती हे गणराया आता
विघ्न दूर करीशी हे तुची नाथा

                          (साभार आणि सौजन्य-संदर्भ-स्टडी लेक्सा.कॉम)
                         ------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-19.09.2023-मंगळवार.
=========================================