श्रीगणेश चतुर्थी-कविता-18-चाहूल तुझ्या येण्याची

[Atul Kaviraje]

                                     "श्रीगणेश चतुर्थी"
                                    ----------------

मित्र/मैत्रिणींनो,

     आज दिनांक-१९.०९.२०२३-मंगळवार आहे. आज "श्रीगणेश चतुर्थी" आहे. गणेश चतुर्थी हा सण देशातील विविध राज्यांमध्ये साजरा केला जातो. तथापि, हा सण सगळ्या जास्त महाराष्ट्रात साजरा केला जातो. गणेश चतुर्थी हा हिंदूंचा एक अतिशय महत्त्वाचा सण आहे, जो दरवर्षी भाविक मोठ्या जोशाने आणि उत्साहाने साजरा करतात. हिंदू मान्यतेनुसार, गणेश चतुर्थी दरवर्षी भगवान गणेशाच्या वाढदिवस म्हणून साजरा केला जातो. मराठी कवितेच्या माझ्या सर्व बंधू-भगिनी, कवी-कवियत्रींना गणेश चतुर्थीच्या अनेक हार्दिक शुभेच्छा. वाचूया गणेश चतुर्थी कविता.

             चाहूल तुझ्या येण्याची--

चाहूल तुझ्या येण्याची
मला आता लागली
तुझ्या आगमनाची
पूर्ण तयारी झाली

हे गणपती बाप्पा तू
सकल देवांचा नायक
संकटातून सोडविशी
तुच विश्वाचा चालक

तुझ्या चतुर्थीचा उपवास
मनोभावे मी करते
तुझ्या चरणांसी माझा
देहभाव मी अर्पिते

सुखकर्ता आहेस तू
भालचंद्र ही असशी
भक्तांच्या विघ्नांचा
नाश तूच करशी

तुझ्या पूजनात असते
दुर्वांना महत्त्व विशेष
कुणी म्हणती गजानना
म्हणती कुणी गणेश

कार्यक्रमाच्या सुरुवातीला
असते तुझीच गणेशवंदना
वर्णू कशी ख्याती तुझी
तुझ म्हणती गौरीनंदना

                        (साभार आणि सौजन्य-संदर्भ-स्टडी लेक्सा.कॉम)
                       ------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-19.09.2023-मंगळवार.
=========================================