इतर कविता-(क्रमांक-173)-जेव्हा तुझ्या बटांना उधळी मुजोर वारा

[Atul Kaviraje]

                                      इतर कविता 
                                    (क्रमांक-173)
                                   ---------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                          जेव्हा तुझ्या बटांना उधळी मुजोर वारा
                         ---------------------------------

जेव्हा तुझ्या बटांना उधळी मुजोर वारा
माझा न राहतो मी हरवून हा किनारा

आभाळ भाळ होते, होती बटा ही पक्षी
ओढून जीव घेते, पदरावरील नक्षी

लाटांस अंतरीच्या नाही मुळी निवारा
डोळे मिटून घेतो, छळ हा तरी चुकेना

ही वेल चांदण्यांची, ओठांवरी झुकेना
देशील का कधी तू थोडा तरी इशारा

नशिबास हा फुलांचा का सांग वास येतो
हासून पाहिल्याचा नुसताच भास होतो
केव्हा तुझ्या खुषीचा उगवेल सांग तारा

==============
गीतकार :मंगेश पाडगांवकर
गायक : सुरेश वाडकर
संगीतकार : श्रीनिवास खळे
==============

--संकलक-सुजित बालवडकर
--------------------------

                   (साभार आणि सौजन्य-मराठी कविता.वर्डप्रेस.कॉम)
                  ---------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-09.11.2023-गुरुवार.
=========================================