कविता मनातल्या-जुने-नवे कॅलेंडर

[Atul Kaviraje]

                                   "कविता मनातल्या"
                                  ------------------

मित्र/मैत्रिणींनो,

     आज वाचूया "कविता मनातल्या" या काव्य सदरI अंतर्गत, नववर्षाचे स्वागत यावर एक कविता. या कवितेचे शीर्षक आहे- "जुने-नवे कॅलेंडर"

                                   "जुने-नवे कॅलेंडर"
                                  -----------------

कळले नाही कसे
बघता बघता वर्ष संपले
जुन्या त्या आठवणींत
मन होते अडखळले
भिंतीवरचे जुने
चित्राचे ते कॅलेंडर
कोणीतरी उतरवले
जुन्या गोड
त्या आठवणींनी
मन होते भरले
भिंतीवरचे कालनिर्णय
आज निस्तेज वाटले
नववर्षाच्या येण्याने
मन नव्हते फुलले
वाटलं जणु एक आयुष्य
आज पुन्हा एकदा संपले
शेवटी शेवटी होतो
दिवस मी मोजत
भिंतीवरच्या
कालनिर्णयाकडे
उदास एकटक बघत
शेवटच्या पानाची
फडफड होती जाणवत
पुर्वी कसं वर्ष संपताना
जात होतो हर्षुन
जुन्या कॅलेंडरकडे
पहात नव्हतो ढुंकून
आज मात्र
भिंतीवरचे कालनिर्णय
नाही मी उतरवले
भूतकाळाला वर्तमानाच्या
जवळ मागे दडवले
जणु जुन्या आठवणींना
नाजुकपणे जपले
मुलांच्या त्या आनंदाला
डोळे भरून बघितले
तरूणाईकडुन जीवन
पुन्हा भरून घेतले
जुन्या-नव्या कॅलेंडरकडे
प्रेमाने मी पाहिले
नववर्षाचे स्वागत
अगदी आनंदाने केले

डौ. सुभाष कटकदौंड
-------------------

            (साभार आणि सौजन्य-संदर्भ मराठी कविता मनातल्या.वर्डप्रेस.कॉम)
           -----------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-13.11.2023-सोमवार.
=========================================

CHECK OUT MY SOCIALS -

INSTAGRAM - https://instagram.com/atul_chya_kavita
PINTEREST - https://www.pinterest.com/chyakavitaatul55/
TWITTER(X)- https://twitter.com/AtulChyaKavita
YOUTUBE   - https://www.youtube.com/@atulchyakavita4928/videos
FACEBOOK  - https://www.facebook.com/atulchyakavita
=========================================