कविता मनातल्या-मनातल्या चिंता

[Atul Kaviraje]

                                    "कविता मनातल्या"
                                   ------------------

मित्र/मैत्रिणींनो,

     आज वाचूया "कविता मनातल्या" या काव्य सदरI अंतर्गत, जीवनावर एक कविता. या कवितेचे शीर्षक आहे- "मनातल्या चिंता"

                                   "मनातल्या चिंता"
                                  ----------------

जीवन तुझं तुझ्यासाठी
किती सरलं किती उरलं
व्यर्थ तो हिशोब आता कश्याला
मनातल्या चिंता विवंचना
नको ठेवूस तू उश्याला

चालावं संयमाने आणि
ओळखायला शिकावं
फसव्या त्या मनाला
थोडं धावावं, थोडं थांबावं
नाही कवटाळावं नैराश्याला
मनातल्या चिंता विवंचना
नको ठेवूस तू उश्याला

व्यर्थ नको तान मनाला
विसरू नकोस तू हास्याला
कधी जिंकावं, कधी हरावं
काबुत ठेवावं त्या गुश्याला
मनातल्या चिंता विवंचना
नको ठेवूस तू उश्याला

जुने तुटतील नवे जुळतील
दे आलिंगन तू जीवनाला
नाही होत सगळं मनासारखं
झटकून टाक तू रूसव्याला
मनातल्या चिंता विवंचना
नको ठेवूस तू उश्याला

कोणी फसवेल, कोणी रडवेल
वेळ दे तू सावरायला
कोणी जगतो तुझ्यासाठी
तोडु नकोस त्या भरवश्याला
मनातल्या चिंता विवंचना
नको ठेवूस तू उश्याला

--डौ. सुभाष कटकदौंड
---------------------

            (साभार आणि सौजन्य-संदर्भ मराठी कविता मनातल्या.वर्डप्रेस.कॉम)
           -----------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-14.11.2023-मंगळवार.
=========================================

CHECK OUT MY SOCIALS -

INSTAGRAM - https://instagram.com/atul_chya_kavita
PINTEREST - https://www.pinterest.com/chyakavitaatul55/
TWITTER(X)- https://twitter.com/AtulChyaKavita
YOUTUBE   - https://www.youtube.com/@atulchyakavita4928/videos
FACEBOOK  - https://www.facebook.com/atulchyakavita
=========================================