भाऊबीज-कविता

[Atul Kaviraje]

                                        "भाऊबीज"
                                       -----------

मित्र/मैत्रिणींनो,

     आज दिनांक-१५.११.२०२३-बुधवार आहे. आज "भाऊबीज" आहे. भाऊबीज म्हणजेच यम द्वितीया हा सण बुधवार १५ नोव्हेंबर रोजी साजरा होणार आहे. हा सण भाऊ आणि बहिणीच्या पवित्र नात्याला समर्पित आहे. या दिवशी कपाळावर टिळा लावून आरती करून बहिणी आपल्या भावाच्या दीर्घायुष्याची कामना करतात. मराठी कवितेच्या माझ्या सर्व भाऊ-बहीण, कवी-कवियत्रींना भाऊबीज आणि दिवाळी सणाच्या अनेक हार्दिक शुभेच्छा. वाचूया भाऊबीजे वर एक कविता.

भाऊबीज  अIली, सण  भाऊ  बहिणीचा 
ऋणानुबंध  नाती  संस्कृती, परंपरेचा
आतुरलेली  बहीण  येते  वर्षाकाठी,
जीव  लागला  भावाच्या  भेटीसाठी

भाऊबिजेचे  दिवशी  ओवाळीते  भाऊराया
इडापिडा  जाऊदे, ही  मागणी  भाऊराया
गरीब  बहीण,  नका  समजू  प्रेम  गरीब,
सुपाएवढे  काळीज,  मन  तिचे  अजब

तिच्या  प्रेमाची  सर  नाही  कुणाला  येणार
नि:स्वार्थ  प्रेम, जीव  भावासाठी  तुटणार
खाईल  मिरची  भाकर  मोठ्या  आनंदाने, 
गुण गाईल  गरीब  भावाचे  लई अभिमानाने

सुख  समृद्धी  नांदू  दे,  आशीर्वाद  बहिणीचा
तिचे  समाधान, काळ  येईल  भरभराटीचा 
दोन  शब्द  प्रेमाचे,  हा  आधार  बहिणीला  द्यावा,
लोभ  नाही  तिच्या  रक्तI, मायेने  जीव  लावा

सांगे  काही  नाही, आधार  एक  दुसऱ्यास असावा
मायेचा  झरा,  उभ्या  आयुष्यभर  वाहताना  दिसावा
निर्मल  पाण्याचा  रे  गुणधर्म,  प्रत्येकाने  पाळावा
भेटीगाठीचा  आनंद,  धनापेक्षाही  निराळा,
आठवण  रक्ताची,  प्रत्येकाने  कायम  सांभाळा

--संजय  रघुनाथ  सोनावणे
-----------------------

                    (साभार आणि सौजन्य-संदर्भ-मराठी.प्रतिलिपी.कॉम)
                   ----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-15.11.2023-बुधवार.
=========================================

CHECK OUT MY SOCIALS -

INSTAGRAM - https://instagram.com/atul_chya_kavita
PINTEREST - https://www.pinterest.com/chyakavitaatul55/
TWITTER(X)- https://twitter.com/AtulChyaKavita
YOUTUBE   - https://www.youtube.com/@atulchyakavita4928/videos
FACEBOOK  - https://www.facebook.com/atulchyakavita
=========================================