कविता मनातल्या-कधी कधी वाटतं

[Atul Kaviraje]

                                    "कविता मनातल्या"
                                   ------------------

मित्र/मैत्रिणींनो,

     आज वाचूया "कविता मनातल्या" या काव्य सदरI अंतर्गत, जीवनावर एक कविता. या कवितेचे शीर्षक आहे- "कधी कधी वाटतं"

                                  "कधी कधी वाटतं"
                                 ------------------

कधी कधी घ्यावा लागतो
विनाकारण दोष तो सारा
आणि नाही टाळता येत तेंव्हा
मनाचा तो कोंडमारा
दूःख लपवुन कधी
लागतं खोटं हसावं
पण अत्यानंदाने हसल्यावर
त्या डोळ्यांनी का फसावं ?
कधी वाटतं सुंदर जीवनाला
असेल काहीतरी अर्थ
मग का कधी वाटतं
आहे हे सारे व्यर्थ ?
कधी वाटतं घ्यावी भरारी
ऊंच त्या आकाशात
का कधी येतं अंधारून
तेजस्वी त्या प्रकाशात ?
कधी कधी वाटतं
अगदी शांत बसावं
आणि का कधी एकांतात
मनानं त्या उदास रूसावं ?
कधी कधी वाटतं
आहे मी समर्थ
का घडतो कधी
मग अनपेक्षित अनर्थ ?
कधी वर्षामागुन वर्ष
जातात लगेच सरून
आणि कधी जड जातो दिवस
आणि रात्री येतं भरून
कधी कधी वाटतं आहे
फसवा खेळ हा सारा
आकस्मित जावं लागेल सोडून
केलेला हा पसारा

--डौ. सुभाष कटकदौंड
---------------------

            (साभार आणि सौजन्य-संदर्भ मराठी कविता मनातल्या.वर्डप्रेस.कॉम)
           -----------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-15.11.2023-बुधवार.
=========================================

CHECK OUT MY SOCIALS -

INSTAGRAM - https://instagram.com/atul_chya_kavita
PINTEREST - https://www.pinterest.com/chyakavitaatul55/
TWITTER(X)- https://twitter.com/AtulChyaKavita
YOUTUBE   - https://www.youtube.com/@atulchyakavita4928/videos
FACEBOOK  - https://www.facebook.com/atulchyakavita
=========================================