कविता मनातल्या-अस्तित्व…

[Atul Kaviraje]

                                     "कविता मनातल्या"
                                    ------------------

मित्र/मैत्रिणींनो,

     आज वाचूया "कविता मनातल्या" या काव्य सदरI अंतर्गत, जीवनावर एक कविता. या कवितेचे शीर्षक आहे- "अस्तित्व..."

                                     "अस्तित्व..."
                                    ------------

अस्तित्व कसं दिव्यामधल्या
ज्योतीप्रमाणे असतं
किती तेल शिल्लक राहिले
ते त्याला माहित नसतं

अस्तित्वाला कसं मनाच्या
कानोस्यात सुरक्षित वाटतं
कधी अचानक साध्या हवेच्या
झुळूकीने ही ते बुझतं

अस्तित्व तनाच्या देव्हाऱ्यात
आनंदाने उजळतं
जिवलगांच्या आयुष्यात
ते प्रेमानं प्रकाशतं

अस्तित्व कसं दिव्यामधल्या
ज्योतीप्रमाणे असतं
साथ देणाऱ्या वातीला
विरहात सोडून जातं

अस्तित्व कसं दिव्यामधल्या
ज्योतीप्रमाणे असतं
पार्थिवाजवळ आत्म्याच्या
रूपाने ते तेवतं

अस्तित्व कसं आठवणी
मागे सोडून विझतं
काजळीच्या खुणांनी
दिव्याभोवती चिकटतं

विझलेल्या दिव्याच दूःख
काही काळच टिकतं
नव्या ज्योतीनं नव अस्तित्व
पुन्हा जन्माला येतं

--डौ. सुभाष कटकदौंड
---------------------

            (साभार आणि सौजन्य-संदर्भ मराठी कविता मनातल्या.वर्डप्रेस.कॉम)
           ----------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-17.11.2023-शुक्रवार.
=========================================

CHECK OUT MY SOCIALS -

INSTAGRAM - https://instagram.com/atul_chya_kavita
PINTEREST - https://www.pinterest.com/chyakavitaatul55/
TWITTER(X)- https://twitter.com/AtulChyaKavita
YOUTUBE   - https://www.youtube.com/@atulchyakavita4928/videos
FACEBOOK  - https://www.facebook.com/atulchyakavita
=========================================