कविता मनातल्या-अदृष्य संवेदना

[Atul Kaviraje]

                                     "कविता मनातल्या"
                                    ------------------

मित्र/मैत्रिणींनो,

     आज वाचूया "कविता मनातल्या" या काव्य सदरI अंतर्गत, जीवनावर एक कविता. या कवितेचे शीर्षक आहे- "अदृष्य संवेदना"

                                     "अदृष्य संवेदना"
                                    ----------------

घ्यावं भरून श्वासात
आठवणींच्या जुन्या गंधाना
धडकाव्यात कधी ह्रुदयात
अदृष्य त्या संवेदना

कधी होऊन लहान
ऐकावं बोबड्या बोलांना
नव्याने पुन्हा जाणावं
निरागस त्या डोळ्यांना
कधी येऊ द्यावं जवळ
चिवचिवनाऱ्या चिमण्यांना
धडकाव्यात कधी ह्रुदयात
कोवळ्या त्या संवेदना

पेटवाव्या कधी त्या
सुस्त अचल चेतना
नाजुक फुंकरेनं विझवाव्यात
त्या धुमसत्या वेदना
कधी थोडसं अलिप्त रहावं
हलकेच सोडवुन बंधाना
धडकाव्यात कधी ह्रुदयात
नाजुकश्या त्या संवेदना

कधी बघावं आजमावुन
भिववणाऱ्या साहसांना
कधी मुक्त वाहु द्यावं
रुसलेल्या त्या आसवांना
कधी कसं मुक्त जगावं
झुगारून साऱ्या बंधनाना
धडकाव्यात कधी ह्रुदयात
अदृष्य त्या संवेदना

--डौ. सुभाष कटकदौंड
---------------------

            (साभार आणि सौजन्य-संदर्भ मराठी कविता मनातल्या.वर्डप्रेस.कॉम)
           -----------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-23.11.2023-गुरुवार.
=========================================

CHECK OUT MY SOCIALS -

INSTAGRAM - https://instagram.com/atul_chya_kavita
PINTEREST - https://www.pinterest.com/chyakavitaatul55/
TWITTER(X)- https://twitter.com/AtulChyaKavita
YOUTUBE   - https://www.youtube.com/@atulchyakavita4928/videos
FACEBOOK  - https://www.facebook.com/atulchyakavita
=========================================