दिन-विशेष-लेख-उत्पत्ती एकादशी-B

[Atul Kaviraje]

                                  "दिन-विशेष-लेख"
                                  "उत्पत्ती एकादशी"
                                 -----------------

मित्र/मैत्रिणींनो,

     आज दिनांक-09.12.2023-शनिवार आहे. ०९ डिसेंबर, हा दिवस "उत्पत्ती एकादशी" म्हणूनही ओळखला जातो. वाचूया, तर या दिवसाचे महत्त्व, आजच्या या "दिन-विशेष-लेख" या शीर्षकI-अंतर्गत.

       कधी आहे उत्पत्ती एकादशीचं व्रत? पहा तिथी, पूजा विधी, शुभ मुहूर्त, उपाय--

          Utpatti ekadashi 2023:--

     धार्मिक श्रद्धेनुसार, या एकादशीला उत्पत्ती एकादशी म्हणतात, कारण या दिवशी भगवान विष्णूद्वारे एकादशी मातेची उत्पत्ती झाली होती. भगवान विष्णूनेच त्यांना एकादशी असे नाव दिले.

           उत्पत्ती एकादशी 2023 शुभ मुहूर्त--

     08 डिसेंबर रोजी उत्पत्ती एकादशीचं व्रत केलं जाणार आहे. दरवर्षी 24 एकादशी असतात, त्यापैकी उत्पत्ती एकादशी सर्वात महत्त्वाची आहे. ज्योतिषी चक्रपाणी भट्ट यांच्या मते, शुक्रवार, 08 डिसेंबर रोजी सकाळी 05.06 वाजता उत्पत्ती एकादशीला प्रारंभ होईल आणि शनिवारी म्हणजेच 09 डिसेंबर रोजी सायंकाळी 06.31 वाजता संपेल. तुम्ही 08 तारखेला सकाळी 7 ते 10.54 या वेळेत एकादशीची पूजा करू शकता. दुसऱ्या दिवशी 09 तारखेला दिवसा 01:15 ते 03:20 या वेळेत उपवास सोडू शकता.

           उत्पत्ती एकादशी 2023 पूजा पद्धत--

     सकाळी लवकर उठून आंघोळ करा. भगवान विष्णूची उपासना करण्याची आणि उत्पत्ती एकादशीचे व्रत करण्याची शपथ घ्या. त्यानंतर पूजा करताना पूजेच्या ठिकाणी भगवान विष्णू आणि माता एकादशीचे चित्र ठेवावे. भगवान विष्णूंना पंचामृताने स्नान घालावे. धूप, दिवा, चंदन, वस्त्र, अक्षत, सुपारीची पाने, पिवळी फुले, फळे, मिठाई, सुपारी इत्यादी अर्पण करा. एकादशी मातेला फळे, मिठाई, फुले, धूप, दीप, अक्षत, कुंकू अर्पण करा. विष्णु चालिसा आणि उत्पत्ती एकादशी व्रत कथा वाचा. शेवटी आरती करा आणि हात जोडून भगवान विष्णू, माता एकादशीचा आशीर्वाद घ्या. चुकल्या-माकल्याबद्दल क्षमा याचना करा. या दिवशी पूजेत वापरल्या जाणाऱ्या वस्तू गरजूंना, गरीब ब्राह्मणांना दान करू शकता. त्यांना दक्षिणा द्या. त्यानंतर दुसऱ्या दिवशी उपवास सोडून उत्पत्ती एकादशी व्रताची सांगता करावी.

           उत्पत्ती एकादशीला हे उपाय करा--

1. जर तुम्हाला मूल होत नसेल तर पती-पत्नीने या दिवशी एकत्र पूजा आणि व्रत करावे. विधीप्रमाणे पूजा केल्यानं अपत्यप्राप्ती होते. तुमच्या इतर इच्छाही पूर्ण होतात, अशी धार्मिक श्रद्धा आहे.

2. या दिवशी भगवान विष्णूसोबत देवी लक्ष्मीची पूजा केल्यास माता प्रसन्न होते. तुमच्या घरात पैशांची कमतरता येणार नाही. सुख-समृद्धीमध्ये वाढ होऊ शकते.

3. भगवान विष्णूची पूजा करताना ओम नमो भगवते वासुदेवाय नम: या मंत्राचा जप करा. यामुळे तुमच्या अपूर्ण इच्छा आणि आकांक्षा पूर्ण होतील.

--Ramesh Patil
------------------

                     (साभार आणि सौजन्य-संदर्भ-न्युज  १८ मराठी.कॉम)
                    ----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-09.12.2023-शनिवार.
========================================

CHECK OUT MY SOCIALS -

INSTAGRAM - https://instagram.com/atul_chya_kavita
PINTEREST - https://www.pinterest.com/chyakavitaatul55/
TWITTER(X)- https://twitter.com/AtulChyaKavita
YOUTUBE   - https://www.youtube.com/@atulchyakavita4928/videos
FACEBOOK  - https://www.facebook.com/atulchyakavita
========================================