तडका - कमळाबाईचा वास

[vishal maske]

कमळाबाईचा वास

पुतण्या सांगे काका ला
बस करा आता वय झालं
अजुन कुठवर संभाळता
तुमचं नेतृत्व लय झालं

नेतृत्व मलाही जमु शकतं
ही गोष्ट एवढी बडी़ नाही
तुमची वेळ निघून गेली
आता ही तुमची घडी नाही

काकांच्या घडीतील वेळेवरच
पुतण्या ने गल्ला भरला होता
आता मात्र काका च्या घडी वर
पुतण्या ने डल्ला मारला होता

जरी चिन्ह आणि नावही गेलं
काका मात्र अजुन उभे आहेत
पण दोघांच्याही मनात आता
स्वहिताचेच मनसुबे आहेत

तसं पहायला गेलं तर बघा
पुतण्या काकाच्या छत्रीत आहे
महाराष्ट्र हे जाणतो आहे की
कोण कुणाच्या कात्रीत आहे

कधी मनात पाल चुकचुकते
ही लढाई एक भास आहे
काका-पुतण्याच्या लढाईला
कमळाबाईचा वास आहे, ?

ॲड. विशाल मस्के

सौताडा, पाटोदा, बीड
मो. ९७३०५७३७८३